تۇركيادا جاڭا ماۋسىمعا دايىندىق رەتىندە وقۋ-جاتتىعۋ جيىنىن وتكىزىپ جاتقان الماتىنىڭ «قايرات» فۋتبول كلۋبى جولداستىق كەزدەسۋلەردە جەڭىلىستەن كوز اشار ەمەس, دەپ حابارلايدى Egemen.kz sports.kz-كە سىلتەمە جاساپ.
بۇل جولى الماتىلىق ۇجىم رەسەيدىڭ «سوچي» فۋتبول كلۋبىمەن كەزدەستى. ويىن بارىسىندا «قايرات» فۋتبولشىلارى ءوز مۇمكىندىكتەرىن ۇتىمدى پايدالانا الماي قويدى. ناتيجەسىندە ء«سوچيدىڭ» فۋتبولشىسى ماتەو كاسسەرا ءبىرىنشى كەزەڭدە مەرگەندىگىمەن كوزگە ءتۇسىپ, رەسەيلىك ۇجىمدى ەسەپتە العا شىعارسا, ەكىنشى كەزەڭنىڭ باسىندا دۋبل اۆتورى اتانعان ول كومانداسىن ەكى دوپ باسىمدىعىمەن جەڭىسكە جەتەلەي ءتۇستى. «قايرات» ساپىنان دانيار ۇسەنوۆ 11 مەترلىك ايىپ دوبىنان گول سوعىپ, ەسەپ ايىرماسىن قىسقارتتى. قورىتىندى ەسەپ 1:2. ناتيجەسىندە «قايرات» ءتورتىنشى ويىندا جەڭىلىستىڭ كەرمەك ءدامىن تاتۋعا ءماجبۇر بولدى.
الماتىلىق كوماندا بۇعان دەيىن بوسنيالىق «بوراتس», وزبەكستاندىق «ناۆباحور», ۋكراينالىق «دينامو» كوماندالارىنا ەسە جىبەرگەن ەدى.