ءاليحان سمايىلوۆ بىرقاتار كەزدەسۋ وتكىزدى

بۇل تۋرالى ۇكىمەتتىڭ رەسمي سايتى ءمالىم ەتتى.

س. چاكرابارتيمەن قر ۇكىمەتىنىڭ 2022 جىلعا ارنالعان ءىس-قيمىل باعدارلاماسىن تالقىلاي وتىرىپ, ۇسىنىلعان رەفورمالار قازاقستاننىڭ جاڭا ەكونوميكالىق ساياساتىنىڭ نەگىزى بولىپ تابىلاتىنى ايتىلدى.

ازىرلەنگەن شارالار كەشەنى جول كارتاسىنىڭ 3 نەگىزگى باعىتى — ەكونوميكالىق رەفورمالاردىڭ ستراتەگياسى مەن باعدارلامالارىن جەتىلدىرۋ, مەملەكەتتىك باسقارۋ, كوممۋنيكاتسيا جانە برەند بويىنشا ىسكە اسىرىلاتىن بولادى. سونىمەن قاتار اۋماقتىق-كەڭىستىكتىك دامۋدىڭ ءۇش قاعيداتىن قامتيتىن, 2025 جىلعا دەيىنگى اۋماقتىق دامۋ جوسپارىن ازىرلەۋ تاقىرىبى قوزعالدى.

«كاسىپكەرلىك سۋبەكتىلەرىن مەملەكەتتىك قولداۋ شارالارىمەن قامتۋدى ارتتىرۋ ءۇشىن وڭىرلىك دامۋ باعدارلامالارى ەنگىزىلەتىن بولادى. ۇكىمەت وڭدەۋ ونەركاسىبىنىڭ ەكسپورتقا باعدارلانعان جانە يمپورتتى الماستىراتىن جوبالارىن قارجىلاندىرۋدىڭ ءتيىمدى تەتىگىن ازىرلەيدى», دەپ اتاپ ءوتتى ءاليحان سمايىلوۆ.

ءباا-ءنىڭ قر-داعى توتەنشە جانە وكىلەتتى ەلشىسى مۇحاممەد سايد مۇحاممەد ءال-اريكيمەن كەزدەسۋدە ەكىجاقتى كەلىسىمدەردىڭ ىسكە اسىرىلۋ بارىسى جانە ينۆەستيتسيالار تارتۋ ماسەلەسى تالقىلاندى. 2021 جىلى ەلدەر اراسىنداعى تاۋار اينالىمى $709 ملن قۇرادى. 2020 جىلدىڭ قورىتىندىسى بويىنشا ءوزارا ساۋدا كولەمى $474,4 ملن بولدى.

ء«بىز قازاقستان ەكونوميكاسىنا ينۆەستيتسيالاردى ۇلعايتۋ ارقىلى ءباا-مەن ءوزارا ءىس-قيمىلدى ءارى قاراي جانداندىرۋدى كوزدەپ وتىرمىز. ءبىز ءۇشىن «استانا» حالىقارالىق قارجى ورتالىعىنىڭ امىرلىكتىڭ ءىرى قارجى ينستيتۋتتارىمەن, ونىڭ ىشىندە «Abu Dhabi Global Market» قارجى ورتالىعىمەن بەلسەندى ءوزارا ءىس-قيمىلىن جالعاستىرۋى اسا ماڭىزدى», دەدى كەلىسسوز كەزىندە ءا. سمايىلوۆ.

قورىتىندىلاي كەلە, تاراپتار الدا اتقارىلاتىن جۇمىستار تۋرالى پىكىر الماسىپ, كۇن تارتىبىندەگى ماسەلەلەردى ورىنداۋدىڭ ماڭىزدىلىعىن اتاپ كورسەتتى.