كسەll اكتسيونەرلىك قوعامىنا 16 ملرد. تەڭگە كولەمىندە ايىپپۇل سالىندى. ول باسەكەلەستىكتى قورعاۋ اگەنتتىگىنىڭ جۇرگىزگەن تەكسەرىستەرى ناتيجەسىندە انىقتالدى. بۇل تۋرالى BNews.kz حابارلادى.
«تەرگەۋ ناتيجەلەرى بويىنشا بەلگىلى بولعانداي, قوعام نارىقتاعى ءوزىنىڭ ۇستەمدىگىن پايدالانا وتىرىپ, Activ برەندىمەن ۇسىنىلاتىن «كۇندىزگى ءليميتسىز» تاريفتىك جوسپارى بويىنشا تۇتىنۋشىلارعا قىزمەت كورسەتپەي-اق ابونەنتتىك تولەمدى شەشىپ الىپ وتىرعان, سونداي-اق ۇيالى بايلانىس قىزمەتىن ۇسىنۋ ەرەجەلەرىن بۇزا وتىرىپ Kcell برەندىندەگى ابونەنتتىڭ بالانسى 0-گە تەڭەلگەندە بايلانىس (راديوتەلەفون ارقىلى سويلەسۋ, ينتەرنەت جەلىسىنە قوسىلۋ) قىزمەتىن توقتاتپاعان», - دەلىنگەن حابارلامادا.
اگەنتتىك اقپارىنا قاراعاندا, الماتى قالاسىنىڭ مامانداندىرىلعان اكىمشىلىك سوتىنىڭ 2014 جىلعى 7 ناۋرىزداعى شەشىمىمەن قوعام «اكىمشىلىك قۇقىق بۇزۋشىلىقتار تۋرالى» كودەكسىنىڭ 147-بابى 3-تارماعىندا قاراستىرىلعان زاڭ بۇزۋشىلىقتى جاساعانى ءۇشىن ايىپتى دەپ تانىلىپ, وعان 16 ملرد. تەڭگە ايىپپۇل سالىندى.
مۇرات ايتقوجا.
دەرەككوز: BNews.kz.