فرانتسيا ۇلتتىق قۇراماسىنىڭ بۇرىنعى جارتىلاي قورعاۋشىسى ەممانۋەل پەتي «پسج» فۋتبول كلۋبىنىڭ ويىنشىسى, «التىن دوپ» سىيلىعىنىڭ جەتى دۇركىن جەڭىمپازى ليونەل مەسسيدى قوسالقى قۇرامعا وتىرعىزاتىن كەز جەتكەنىن ايتتى, دەپ حابارلايدى Egemen.kz championat.com-عا سىلتەمە جاساپ.
«بۇگىنگى مەسسي بۇرىن «بارسەلونا» فۋتبول كلۋبىندا جاسىنداي جارقىراعان فۋتبولشىنىڭ كولەڭكەسى ەكەنى راس. «مانچەستەر يۋنايتەد» فۋتبول كلۋبىنىڭ كريشتيانۋ رونالدۋدى باپكەر رالف رانگنيك قوسالقى قۇرامعا وتىرعىزدى. سودان كەيىنگى ويىندا ول گول سوقتى. بالكىم مەسسيدى دە قوسالقى قۇرامعا جىبەرۋ كەرەك شىعار. سوندا ول ناتيجەلى ويىن كورسەتەتىن بولار. الايدا مەسسي مۇنداي شەشىمگە كەلىسە مە؟ اڭگىمە سوندا», دەيدى ول ءوز ويىمەن ءبولىسىپ.