مەملەكەت باسشىسى قاسىم-جومارت توقاەۆ ۇلتتىق بانك توراعاسى عالىمجان ءپىرماتوۆتىڭ ينفلياتسيانى بولدىرماۋ جونىندەگى اقشا-كرەديت ساياساتىنىڭ ىسكە اسىرىلۋ بارىسى جايىنداعى ەسەبىن تىڭدادى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
قاسىم-جومارت توقاەۆقا ۆاليۋتا جانە اقشا نارىقتارىنداعى احۋال, ەلدىڭ التىنۆاليۋتا رەزەرۆتەرىنىڭ جاي-كۇيى, سونداي-اق بىلتىرعى تولەم تەڭگەرىمىن الدىن الا باعالاۋ تۋرالى ەسەپ بەرىلدى.
عالىمجان ءپىرماتوۆ ۇلتتىق بانكتىڭ نەگىزگى مانداتى سانالاتىن قارجى جانە باعا تۇراقتىلىعىن قامتاماسىز ەتۋگە باعىتتالعان اقشا-كرەديت ساياساتىنىڭ تيىمدىلىگىن ودان ءارى ارتتىرۋ جونىندەگى جوسپارىن العا تارتتى.
ۇلتتىق بانكتىڭ 2022 جىلعا ارنالعان جوسپارىمەن ەگجەي-تەگجەيلى تانىسقان پرەزيدەنت, بانك توراعاسىنا بىرقاتار ناقتى تاپسىرما بەردى.