قازاقستاندا سىبايلاس جەمقورلىق فاكتىلەرى تۋرالى حابارلاعان ادامداردى قورعاۋدىڭ كەشەندى جۇيەسى ازىرلەنەدى. مۇنداي تۇزەتۋلەردى سىبايلاس جەمقورلىققا قارسى ءىس-قيمىل جونىندەگى زاڭناماعا ەنگىزۋ جوسپارلانۋدا, دەپ حابارلايدى Egemen.kz.
«تۇزەتۋلەردىڭ ەكىنشى بلوگى سىبايلاس جەمقورلىق فاكتىلەرى تۋرالى حابارلاعان ادامداردى قورعاۋ جۇيەسىن قالىپتاستىرۋعا باعىتتالعان», دەدى قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ ءماجىلىستىڭ جالپى وتىرىسىندا سىبايلاس جەمقورلىققا قارسى ءىس-قيمىل زاڭناماسىنا تۇزەتۋلەردى ۇسىنا وتىرىپ.
سىبايلاس جەمقورلىق فاكتىلەرى تۋرالى حابارلاعان ادامداردى قورعاۋدىڭ كەشەندى جۇيەسىن قۇرۋ ماقساتىندا:
1) سىبايلاس جەمقورلىققا قارسى ءىس-قيمىلعا جاردەم كورسەتكەن ادامدى كەلىسۋ كوميسسياسىنىڭ ۇسىنىمىنسىز تارتىپتىك جاۋاپتىلىققا تارتۋعا نەمەسە لاۋازىمىنان بوساتۋعا نەمەسە باسقا لاۋازىمعا اۋىستىرۋعا بولمايدى دەپ بەكىتىلسىن;
2) ادامنىڭ سىبايلاس جەمقورلىققا قارسى ءىس-قيمىلدا جاردەم كورسەتۋى تۋرالى اقپاراتتى, ونى جاريا ەتكەنى ءۇشىن قىلمىستىق جاۋاپتىلىق ەنگىزە وتىرىپ, قۇپيا اقپاراتقا جاتقىزسىن;
3) قۇقىقتىق ولقىلىقتاردى جويۋ جانە قىلمىستىق پروتسەسكە قاتىساتىن ادامداردى قورعاۋدىڭ قولدانىستاعى تەتىكتەرىن جەتىلدىرۋ ماقساتىندا قولدانىستاعى نورمالاردىڭ كەمشىلىكتەرىن بولعىزبايتىن تۇزەتۋلەر كەشەنىن ەنگىزۋگە مىندەتتى.
ايتا كەتسەك, بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالۋدا.