ازىق-ت ۇلىك ونىمدەرى, سۋسىندار مەن ولاردى وندىرۋگە ارنالعان شيكىزاتتىڭ 29-شى حالىقارالىق «پرودەكسپو-2022» كورمەسىندەگى قازاقستان رەسپۋبليكاسى ۇلتتىق ستەندىنىڭ جۇمىس قورىتىندىسى بويىنشا قازاقستاندىق كاسىپكەرلەر 101 ملن دوللاردان استام سوماعا ەكسپورتتىق كەلىسىمشارتتار جاساستى.
قازاقستان ۇلتتىق ستەندىندە الماتى, شىعىس قازاقستان, جامبىل, قوستاناي, تۇركىستان جانە پاۆلودار وبلىستارىنان, سونداي-اق نۇر-سۇلتان, الماتى جانە شىمكەنت قالالارىنان 20 ءوندىرۋشى كومپانيا بولدى. كورمەدە بال ونىمدەرى, كونديتەرلىك جانە ماكارون ونىمدەرى, ۇننان جاسالعان جانە كونديتەرلىك ونىمدەر, الكوگولسىز سۋسىندار, شىرىندار مەن سىرا, بالمۇزداق, وسىمدىك مايلارى ۇسىنىلدى. سونداي-اق جەمىس-كوكونىس ونىمدەرىن وندىرەتىن جانە وڭدەيتىن كومپانيالار ءوز ونىمدەرىن تانىستىردى. كورمە بارىسىندا قازاقستاندىق كومپانيالاردىڭ رەسەيلىك جانە باسقا دا وتاندىق ءونىمدى ساتىپ الۋشىلارمەن 200-گە جۋىق ۆ2ۆ كەلىسسوزدەرى, سونىڭ ىشىندە رەسەي مەن باسقا دا ەلدەردىڭ فەدەرالدىق جانە ايماقتىق ساۋدا جەلىلەرىمەن كەلىسسوزدەرى جۇرگىزىلدى.
قازاقستاندىق ونىمدەردى ساتىپ الۋشىلار اراسىندا ەلىمىزدىڭ ماي ونىمدەرى: سارى ماي, مارگارين جانە ت.ب. ۇلكەن قىزىعۋشىلىق تۋدىردى. رەسەيلىك جانە حالىقارالىق ترەيدەرلەر ءۇشىن ەكىنشى اسا كوپ قىزىعۋشىلىق تۋدىرعان تاۋار قازاقستاندىق بالمۇزداق بولدى. سونداي-اق قازاقستاندىق الكوگولسىز سۋسىندارعا, شىرىندارعا, سىراعا, جاڭا پىسكەن, جاڭا مۇزداتىلعان جانە قايتا وڭدەلگەن كوكونىستەر مەن جەمىستەرگە, جەمىس-جيدەك ەزبەسىنە, ۇنعا, ماكارون ونىمدەرىنە, سونداي-اق بال, ءسۇت جانە كونديتەرلىك ونىمدەرگە ساتىپ الۋشىلار باسا نازار اۋداردى.
قازاقستاندىق كومپانيالاردىڭ «پرودەكسپو» كورمەسىنە قاتىسۋىن ەكسپورتتاۋشىلاردى سەرۆيستىك قولداۋ شەڭبەرىندە ەكسپورتتى مەملەكەتتىك قولداۋدىڭ بىرىڭعاي وپەراتورى «QazTrade» كومپانياسى قامتاماسىز ەتتى. 2021 جىلى ەكسپورتتاۋشىلاردى سەرۆيستىك قولداۋ ءىس-شارالارى اياسىندا قازاقستاندىق وندىرۋشىلەر قول قويعان ەكسپورتتىق كەلىسىمشارتتار سوماسى شامامەن 279,6 ملن دوللاردى قۇرادى. 2021 جىلدىڭ قورىتىندىسى بويىنشا وتاندىق تاۋار وندىرۋشىلەردىڭ ەكسپورتتاۋشىلاردى سەرۆيستىك قولداۋعا باعىتتالعان تىكەلەي بيۋدجەتتىك شىعىستارىنىڭ ءاربىر 1 تەڭگەسىنە تابىسى 329,6 تەڭگەنى قۇرادى.