وڭتۇستىك قازاقستان وبلىسىنىڭ ورتالىعى – شىمكەنت قالاسىندا ناۋرىز مەرەكەسى باعدارلاماسى اياسىندا 4 كۇنگە سوزىلعان اقىندارى ايتىسى بولىپ ءوتتى. وعان وبلىس اقىندارى قاتىستى. بۇل تۋرالى otyrar.kz حابارلادى.
ايتىستىڭ اقتىق ايقاسىنا 12 ۇزدىك اقىن جولداما الدى. سايىس قورىتىندىسىندا باس جۇلدەنى مارجان ەسجانوۆا جەڭىپ الدى. وعان 500 مىڭ تەڭگە سىياقى تاپسىرىلدى. ءبىرىنشى ورىنعا قاجىمۇقان ابزالوۆ شىقتى. ەكىنشى ورىندى اسحات سادىقبەك پەن نۇرلان ەسەنقۇلوۆ ەنشىلەدى. ءۇشىنشى ورىنعا جارقىنبەك ناۋشابەك, انار جاپارقۇلوۆا جانە ءبىرجان بايتۋوۆ ورنالاستى. بۇلاردىڭ ءبارى العان ورىندارىنا قاراي اقشالاي سىيلىقتارعا يە بولدى.
سول سياقتى ۇشتىككە كىرمەگەن اقىندارعا 30 مىڭ تەڭگەدەن جۇلدە تارتىلدى.
ايتىس شىمىلدىعىن جابەر كەزدە وسى دودانىڭ باس جۇلدەگەرى مارجان ەسجانوۆا ءسوز الىپ, ءوزىنىڭ 25 جىلعا سوزىلعان ايتىسكەرلىك ساپارىن اياقتاپ, ساحنامەن قوشتاساتىنىن جەتكىزدى.
مۇرات ايتقوجا.
دەرەككوز: otyrar.kz.
فوتو: otyrar.kz.