امەريكانىڭ ۆاشينگتون شتاتىندا 22 ناۋرىزدان باستاپ ورىن العان لايساڭ كوشكىنىنەن كەيىن 176 ادامنىڭ جوق بولىپ كەتكەنى ءمالىم ەتىلدى. بۇل تۋرالى «گازەتا.رۋ» حابارلادى.
بۇعان دەيىن حابار-وشارسىز كەتكەندەر سانى 108 ەكەنى اتاپ كورسەتىلگەن بولاتىن.
«جاعداي وتە اۋىر. ءالى دە توپىراق ۇيىندىلەر استىنان ءتىرى ادامدار الىپ شىعامىز دەگەن ءۇمىتىمىز بار. الايدا, اشىعىن ايتايىق, سەنبى كۇنى ارشىپ العان جەرلەرىمىزدەن بىردە-ءبىر ءتىرى ادام تاپپادىق», - دەدى جەرگىلىكتى ءورت كۇزەتىنىڭ باستىعى ترەۆيس حوتس.
لاي توپىراق كوشكىنى 22 ناۋرىز كۇنى سيەلدىڭ سول جاعىندا باستالدى. نوسەرلەتىپ جاۋعان جاۋىننان پايدا بولعان تاسقىن ستيلاگۋاميش وزەنىنىڭ ءبىر تارماعىن جاۋىپ تاستاپ, توپان بولۋ قاۋپىن تۋعىزدى. سوندىقتان بيلىك وزەن بويىنداعى قاۋىپ تونگەن اۋداندار تۇرعىندارىن باسقا جاقتارعا كوشىرۋدى جەدەلدەتىپ قولعا الدى.
وسى كەزگە دەيىن 30 ەلدى مەكەن ۇلكەن ب ۇلىنشىلىككە ۇشىراپ, ولاردا 14 ادامنىڭ قازا تاپقانى ايتىلىپ وتىر.
مۇرات ايتقوجا.
دەرەككوز: گازەتا.رۋ.
فوتو: AP Photo/The Seattle Times.