پرەمەر-ءمينيستردىڭ ورىنباسارى ەرالى توعجانوۆ قاڭتار وقيعالارى كەزىندەگى فاكتىلەردى تەرگەۋمەن اينالىساتىن «امانات» تاۋەلسىز كوميسسياسىنىڭ وكىلدەرىمەن كەزدەستى, دەپ حابارلايدى Egemen.kz.
بۇل تۋرالى پرەمەر-ءمينيستردىڭ ءباسپاسوز قىزمەتى ءمالىم ەتتى.
كەزدەسۋ كەزىندە قۇقىق قورعاۋشىلار كوميسسيا قىزمەتىنىڭ باعىتتارى تۋرالى اڭگىمە قوزعادى. «امانات» كوميسسياسىنىڭ وكىلدەرى قاڭتاردا بولعان وقيعالاردى تەرگەۋدىڭ وبەكتيۆتىلىگى مەن اشىقتىعىن قامتاماسىز ەتۋدىڭ ماڭىزدىلىعىن اتاپ ءوتىپ, مەملەكەتتىك ورگانداردىڭ جۇمىسىن ۇيىمداستىرۋ بويىنشا بىرقاتار ۇسىنىس ءبىلدىردى.
ۆيتسە-پرەمەر مەملەكەتتىك ورگاندارعا قوعامدىق كوميسسيانىڭ ءاربىر ۇسىنىسىن مۇقيات پىسىقتاپ, ماسەلەلەردى زاڭنامادا بەلگىلەنگەن تارتىپپەن شەشۋدى, سونداي-اق كوميسسيا قىزمەتىنە قاجەتتى كومەكتى كورسەتۋدى تاپسىردى.