باقداۋلەت ساريەۆ تاراز قالاسى اكىمىنىڭ ورىنباسارى بولىپ تاعايىندالدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
«تاراز قالاسى اكىمىنىڭ وكىمى بويىنشا, باقداۋلەت ساريەۆ قالا اكىمىنىڭ ورىنباسارى بولىپ تاعايىندالدى. ول ىشكى ساياسات, دەنساۋلىق ساقتاۋ, ءبىلىم بەرۋ, مادەنيەت جانە تىلدەردى دامىتۋ, سپورت جانە جاستار ساياساتى سالالارىن قاداعالايدى», دەلىنگەن حابارلامادا.
باقداۋلەت ساريەۆ ەڭبەك جولىن 2015 جىلى الماتى قالاسى ىشكى ساياسات باسقارماسىنىڭ الاتاۋ, مەدەۋ اۋداندارى بويىنشا اۋماقتىق ءبولىمىنىڭ باس مامانى بولىپ باستاعان.
2015-2017 جىلدارى - الماتى قالاسى ىشكى ساياسات باسقارماسىنىڭ قوعامدىق-ساياسي جۇمىس ءبولىمىنىڭ باس مامانى.
2017 جىلدان 2020 جىلعا دەيىن اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتىنىڭ باس ساراپشىسى, باسقارما باسشىسى بولىپ جۇمىس ىستەگەن.
2020-2021 جىلدارى - جامبىل وبلىسى اكىمى اپپاراتىنىڭ الەۋمەتتىك-ساياسي مونيتورينگ ءبولىمىنىڭ باسشىسى.
2021-2022 جىلدارى - تاراز قالاسى اكىمى اپپاراتىنىڭ باسشىسى.