اقش-تىڭ اسكەري كومەگى بار تاعى ەكى ۇشاق جەكسەنبىدە ۋكرايناعا كەلدى. بۇل تۋرالى اقش-تىڭ كيەۆتەگى ەلشىلىگى اقپارات تاراتتى, دەپ حابارلايدى Egemen.kz.
بۇعان دەيىن ۋكرايناعا اقش-تان اسكەري كومەكپەن 15 ۇشاق كەلگەن بولاتىن. «ربك-ۋكراينا» باسىلىمى ۋكراينانىڭ قورعانىس مينيسترلىگىندەگى دەرەككوزگە سىلتەمە جاساي وتىرىپ, اقش-تان ماتەريالدىق-تەحنيكالىق كومەك جەتكىزۋ شامامەن 45 رەيسكە جوسپارلانعانى تۋرالى مالىمەتپەن بولىسكەن بولاتىن.
«بۇگىن تاڭەرتەڭ ۋكراينانىڭ قورعانىسىن كۇشەيتۋ ءۇشىن اقش-تان كيەۆكە ەكى ۇشاق كەلدى. 200 ميلليون دوللار كولەمىندەگى كومەكتىڭ بۇل بولىگى گراناتومەتتەرگە ارنالعان وق-دارىلەر مەن زاريادتار. ءبىز ۋكراينامەن بىرگەمىز», دەلىنگەن ەلشىلىكتىڭ Twitter-دەگى حابارلاماسىندا.