بۇگىن, 22 ناۋرىز كۇنى قازاقستان فۋتبول چەمپيوناتى پرەمەر-ليگاسى ەكىنشى تۋرىنىڭ ويىندارى وينالدى. ول ەڭ از گول سوعىلعان تۋرلاردىڭ ءبىرى بولدى. قارسىلاستار 6 ويىندا 4 رەت قانا قاقپادان دوپ الدىردى. بۇل تۋرالى ras.kz حابارلادى.
تۋرداعى العاشقى ويىندار قاراعاندى, شىمكەنت جانە سەمەي قالالارىندا جالاۋ كوتەردى. الگىندەگى 4 گولدىڭ 3-ءى وسى ماتچتاردا سوعىلدى. قاراعاندىدا جەرگىلىكتى «شاحتەر» مەن «اقتوبە» اراسىنداعى كەزدەسۋ جەڭىمپازدى انىقتاي المادى. ەسەسىنە, وسىندا قاقپالارعا 2 دوپ ءتۇستى. ولاردى 45-مينۋتتا اقتوبەلىك يۋري لوگۆينەنكو, 66-مينۋتتا توقتار جانقىلىشباي سالدى. وسى ەكى كوماندا بيىل كوكتەمدە استانادا سۋپەركۋبوك ءۇشىن كۇش سىناسىپ, ماۋسىمدى دا باستاپ بەرىپ ەدى. ال جەڭىسكە 1:0 دەگەن ەسەپتى تىركەگەن اقتوبەلىكتەر جەتكەن بولاتىن.
شىمكەنتتە وتكەن «ورداباسى» مەن «استانا» اراسىنداعى ويىندا مەيماندار 1 گول سوعىپ, جەڭىس تويىن تويلادى. ونى سيسەرو ءوز ەسەبىنە جازدى. وسى مەزگىلدە سەمەيدە «سپارتاك» پەن پاۆلوداردىڭ «ەرتىس» كوماندالارى بەتتەسكەن ماتچتا ەسەپ اشىلعان جوق.
بۇلاردان ءبىر ساعات كەيىن قىزىلوردادا «قايسار» جاساعى «تاراز» جاماعاتىمەن, اتىراۋدا قالا اتتاس كلۋب قوستانايدىڭ «توبىلىمەن» ۇشىراستى. قارسىلاستار بۇل ەكى ويىندا دا ەسەپ اشا الماي تارقاستى – 0:0. ال ساعات 18:00-دە تالدىقورعاندا «جەتىسۋ» مەن الماتىنىڭ «قايراتى» اراسىنداعى كەزدەسۋدە الاڭ يەلەرى 21-مينۋتتا سەرگەي شافف سالعان گولدىڭ ارقاسىندا جەڭىسكە جەتتى.
رۋسلان يگىلىك.
دەرەككوز: ras.kz.
فوتو: Sports.kz.