بۇگىن - الەمدە عىلىمداعى ايەلدەر مەن قىزدار كۇنى. وسىعان وراي قر ءبىلىم جانە عىلىم ءمينيسترى اسحات ايماعامبەتوۆ وتاندىق عىلىمىڭ دامۋىنا ۇلەس قوسىپ جۇرگەن قىز-كەلشەكتەردى قۇتتىقتادى, دەپ جازادى Egemen.kz.
قازاقستاندىق عىلىم سالاسىندا 10 مىڭعا جۋىق ايەل بار. ولاردىڭ 714-ءى عىلىم دوكتورى, 2427 ايەل – عىلىم كانديداتى, 992-ءسى – PhD دوكتورى, 28-ءى – بەيىندىك دوكتورلار.
«جىل سايىن عىلىمداعى ايەلدەر سانى ارتىپ كەلە جاتقانىنا قۋانىشتىمىن. بۇگىندە ولار ەلىمىزدەگى جالپى عالىمدار سانىنىڭ 54%-ىن قۇرايدى. كوروناۆيرۋس پاندەمياسىمەن كۇرەس كەزىندە عالىم ايەلدەر ايانباي ەڭبەك ەتتى. مىسالى, زاكاريا كۇنسۇلۋ دالتونوۆنانىڭ باسشىلىعىمەن بيولوگيالىق قاۋىپسىزدىك ماسەلەلەرى عىلىمي-زەرتتەۋ ينستيتۋتىندا COVID-19-عا قارسى قازاقستاندىق QazCovid-in (QazVac) ۆاكتسيناسى دايىندالدى. عىلىمداعى نازىك جانداردى حالىقارالىق مەرەكەمەن قۇتتىقتايمىن. وتانداستارىمىزدىڭ ءومىرىن جاقسارتۋ ءۇشىن جانە ەلىمىزدىڭ عىلىم سالاسىن دامىتۋدا اتقارىپ جۇرگەن باعا جەتپەس قىزمەتتەرىڭىز ءۇشىن العىس ايتامىن. بيىك بەلەستەردى باعىندىرا بەرۋلەرىڭىزگە تىلەكتەسپىن» دەپ جازدى مينيستر Facebook پاراقشاسىندا.