يسپانيانىڭ «بارسەلونا» فۋتبول كلۋبى گەرمانيالىق «بورۋسسيا» كومانداسىنىڭ شابۋىلشىسى ەرلينگ حوللاندتى قاتارىنا قوسا الماعان جاعدايدا ونىڭ ورنىنا قاي فۋتبولشىنى الاتىنى بەلگىلى بولدى, دەپ حابارلايدى Egemen.kz championat.com-عا سىلتەمە جاساپ.
دەرەكتەرگە سەنسەك, «بارسەلونا» فۋتبول كلۋبىنىڭ جەتەكشىلەرى دورتمۋندتىق «بورۋسسيانىڭ» شابۋىلشىسىمەن كەلىسىمشارت جاساسۋعا نيەتتەنگەن. الايدا نورۆەگيالىق شابۋىلشىنى ءمادريدتىڭ «رەالى» دا ءوز قاتارلارىنان كورگىسى كەلەدى. ءتىپتى, حوللاندتىڭ ءوزى دە كورولدىك كلۋبتىڭ ساپىندا دوپ تەپكىسى كەلەتىنىن تۇسپالداپ ۇلگەرىپتى. بارلىق مۇمكىن جاعدايدى ەسكەرگەن «بارسەلونا» فۋتبول كلۋبىنىڭ باسشىلىعى ەرلينگ حوللاند باسقا كوماندانى تاڭداعان جاعدايدا ءوز قاتارلارىن «رەال سوسەداد» كومانداسىنىڭ شابۋىلشىسى الەكساندر يساكپەن تولىقتىرماق.