2021 جىلى 20 مىڭنان استام قازاقستاندىق ادەمى نومىرلەرگە يە بولعان.
بىلتىر قازاقستاندىقتار جالپى سوماسى 5,8 ملرد تەڭگەگە جوعارى سۇرانىسقا يە نەمەسە VIP دەپ اتالاتىن نومىرلەردى ساتىپ العان. اۆتوكولىك يەلەرى 2020 جىلمەن سالىستىرعاندا ادەمى نومىرلەردى كوبىرەك رەسىمدەي باستاعان, ول كەزدە 3,9 ملرد تەڭگەگە 12 616 ءنومىر الىنعان بولاتىن.
2021 جىلى VIP نومىرلەرگە ەڭ كوپ قاراجات جۇمساعان الماتىلىقتار 2,2 ملرد تەڭگە سوماسىنا 6 882 ءنومىر العان. ەكىنشى ورىندا شىمكەنت اۆتوكولىك يەلەرى – 818 ملن تەڭگە سوماسىنا 3 190 ءنومىر, ال ۇشتىكتىڭ سوڭىندا نۇر-سۇلتان – 667 ملن تەڭگەگە 2 231 ءنومىر.
VIP نومىرلەرگە سۇرانىس سولتۇستىك قازاقستان وبلىسىندا از. وتكەن جىلى وندا 45 ملن تەڭگەگە بارلىعى 169 ەرەكشە ءنومىر تىزبەگى ساتىپ الىنعان.
ساندار مەن ارىپتەردىڭ كومبيناتسياسىنا بايلانىستى VIP نومىرلەردىڭ باعاسى 174 591 تەڭگەدەن باستالادى, ەڭ قىمباتى ءۇشىن 872 955 تەڭگە سۇرالادى.
ءنومىر يەسى ەرەكشە نومىرلەر تىزبەگىن ءۇشىنشى تاراپقا سىيعا بەرە دە, ساتا دا المايدى. ەگەر كولىك ساتىلسا, ءنومىر يەسى ونى جاڭا كولىك ساتىپ العانعا دەيىن مامانداندىرىلعان حقو-دا 6 اي ساقتاي الادى.