قىلمىسكەرلەرگە قاراجات الۋدىڭ ءبىر وڭاي جولى لومباردتار قىزمەتىن پايدالانۋ, ولار ۇرلانعان م ۇلىكتى قوسىمشا تولەمسىز ساتا الادى نەمەسە كەپىلگە قويا الادى. بۇل قاراجاتتار بولاشاقتا تەرروريزمدى قارجىلاندىرۋ ماقساتىندا دا پايدالانىلۋى مۇمكىن.
لومباردتار ءوز كليەنتتەرىنىڭ كۇدىكتى ارەكەتتەرى مەن ولاردىڭ وپەراتسيالارىنىڭ كەيبىر اسپەكتىلەرىنە ەرەكشە نازار اۋدارۋى كەرەك. كۇدىكتى وپەراتسيالارعا ءبىر تۇلعانىڭ زەرگەرلىك بۇيىمداردى نەمەسە باسقا دا قۇندىلىقتاردى كەيىننەن وتەۋسىز جۇيەلى تۇردە بەرۋى, م ۇلىكتىڭ ءارتۇرلى تۇرلەرىن كەپىلگە قويىپ, لومباردتاردان نەسيەنى ءجيى الۋى, وبەكتىنىڭ شارتتىق جانە ناقتى قۇنىنىڭ ايقىن سايكەسسىزدىگى جاتادى.
زاڭسىز جولمەن الىنعان قاراجاتتىڭ اينالىمىنا جول بەرمەۋ ماقساتىندا قارجىلىق مونيتورينگ اگەنتتىگى لومباردتاردىڭ ءوز كليەنتتەرىنىڭ شەكتى جانە كۇدىكتى وپەراتسيالارى تۋرالى اقپاراتتى حابارلاۋ مىندەتىن ەسكە سالادى.
وتكەن جىلدىڭ قورىتىندىسى بويىنشا قارجىلىق وپەراتسيالار تۋرالى حابارلاما جىبەرمەيتىن بىرقاتار لومباردتار انىقتالدى.
مۇنداي لومباردتاردىڭ تىزبەسى اگەنتتىكتىڭ قمس WEB-پورتالىندا ورنالاستىرىلادى جانە زاڭنامادا بەلگىلەنگەن ءتيىستى شارالاردى قابىلداۋ ءۇشىن قارجى نارىعىن رەتتەۋ جانە دامىتۋ اگەنتتىگىنە (بۇدان ءارى – قنردا) جولدانادى. 2018-2020 جىلدارى قنردا ميكروقارجى ۇيىمدارىنا 93 تەكسەرۋ, ونىڭ ىشىندە لومباردتارعا جۇرگىزدى. 17,3 ملن تەڭگە سوماسىنا ايىپپۇل سالۋمەن 43 اكىمشىلىك حاتتاما تولتىرىلدى. اتالعان جۇمىس الداعى ۋاقىتتا دا كۇشەيتىلەتىن بولادى.
كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى زاڭناما تالاپتارىن ساقتاماۋمەن بايلانىستى كەلەڭسىز سالدارلاردى جويۋ ماقساتىندا, اگەنتتىككە قارجىلىق وپەراتسيالار تۋرالى حابارلاۋ مىندەتتىلىگىن ەسكە سالامىز. سونداي-اق اگەنتتىككە اقپارات بەرۋ تالاپتارىن بۇزۋ نەمەسە اقپاراتتى جاسىرۋعا ارالاسۋ ميكروقارجى قىزمەتىن جۇزەگە اسىرۋعا بەرىلگەن ليتسەنزيادان ايىرۋ ءۇشىن نەگىز بولۋى مۇمكىن, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن جاۋاپكەرشىلىككە اكەپ سوعاتىنىن اتاپ وتەمىز.