پرەزيدەنتتىڭ توراعالىق ەتۋىمەن وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسى ۇكىمەتتىڭ الەۋمەتتىك-ەكونوميكالىق دامۋى تۋرالى ەسەپتەرىن تىڭدادى. 2022 جىلعا ارنالعان ءىس-قيمىل جوسپارى ورتاعا سالىندى.
پرەزيدەنت وسى جيىندا جەردى ۇتىمدى پايدالانۋ, كولىك قۇراستىرۋ, ۇكىمەتتىڭ مەملەكەتتىك باعدارلامالارى تۋرالى ءوز ويلارىن ورتاعا سالدى. اۋدان اكىمدەرىنە جۇمىس ورىندارىن كوپتەپ اشۋ تۋرالى تاپسىرما بەردى.
سونداي-اق اتوم ەلەكتر ستانساسى, ۋتيليزاتسيالىق الىم, بانكتەردى ساۋىقتىرۋ, شاعىن جانە ورتا بيزنەستى دامىتۋ, ەلدەگى جالاقى ماسەلەسى, ينفلياتسيانى رەتتەۋ جونىندە دە ناقتى ۇسىنىستاردى ايتىپ, وسى ماسەلەلەردى شۇعىل شەشۋگە پارمەن بەردى. كەدەيشىلىك پەن شەتتەن تىس بايىعاندار جونىندە دە ءوز كوزقاراسىن ءبىلدىردى. «سامۇرىق-قازىنا», «اتامەكەن» ۇلتتىق كاسىپكەرلەر پالاتاسى جانە ۇلتتىق قور جونىندە ناقتى تالاپتار قويدى. وسىنىڭ ءبارى ەلدەگى ەڭ ومىرشەڭ ءارى وزەكتى ماسەلەلەردىڭ مەملەكەت باسشىسى نازارىندا ەكەنىن, باقىلاۋدا ۇستاپ وتىرعانىن كورسەتەدى.
قاڭتار وقيعاسىنان كەيىن ەكونوميكامىزدى تەزىرەك ساۋىقتىرۋ جونىندەگى ناقتى شارالاردى بەلگىلەپ بەرگەنى كوڭىلگە قۋانىش ۇيالاتتى. سوندىقتان ەندى ۇكىمەتتىڭ بۇدان ارعى جۇمىسى بارىنشا اشىق جانە شيراق, ءتيىمدى بولۋى كەرەك دەپ ەسەپتەيمىن.
نۇرتورە ءجۇسىپ,
سەنات دەپۋتاتى