مەملەكەت باسشىسى قاسىم-جومارت توقاەۆ ماسكەۋدە رەسەي پرەزيدەنتى ۆلاديمير پۋتينمەن وتكەن كەلىسسوزدەردى قورىتىندىلاپ, رەسەيلىك كومپانيالار قازاقستان ەكونوميكاسىنىڭ جەتەكشى ينۆەستورلارىنىڭ بەستىگىنە كىرەتىنى ايتتى, دەپ حابارلايدى Egemen.kz.
ء«وزارا ءتيىمدى ىنتىماقتاستىقتىڭ زور الەۋەتىن ەسكەرە وتىرىپ, ساياسي, ەكونوميكالىق, ينۆەستيتسيالىق جانە مادەني-گۋمانيتارلىق بايلانىستاردى تەرەڭدەتۋگە ءوزارا ۇمتىلىستى راستادى», دەدى قاسىم-جومارت توقاەۆ كەلىسسوزدەر قورىتىندىسى بويىنشا باق وكىلدەرىنە ارنالعان بىرلەسكەن مالىمدەمەدە.
قر پرەزيدەنتى اتاپ وتكەندەي, تاراپتار ءوزارا ساۋدانىڭ وڭ قارقىنىن ساقتاۋعا كەلىستى.
«شىنىندا دا, كارانتيندىك شارالارعا قاراماستان, وتكەن جىلى ەڭ جوعارى ناتيجەگە قول جەتكىزىلدى, ساۋدا كولەمى 21 ملرد دوللاردان استى. رەسەيلىك كومپانيالار قازاقستان ەكونوميكاسىنىڭ جەتەكشى ينۆەستورلارىنىڭ بەستىگىنە كىرەدى. بۇل كومپانيالاردىڭ سالىمى 17 ملرد دوللاردان استى», دەدى قاسىم-جومارت توقاەۆ.
ەسكە سالا كەتسەك, بۇگىن ماسكەۋدە قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير پۋتين جوعارى دەڭگەيدەگى كەلىسسوزدەر وتكىزدى, ونىڭ بارىسىندا ەكى ەلدىڭ كوپجوسپارلى ستراتەگيالىق ارىپتەستىگىن دامىتۋ پەرسپەكتيۆالارى قارالدى.