قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەلىسسوزدەردەن كەيىن مالىمدەمە جاسادى, دەپ حابارلايدى Egemen.kz.
«مەن رەسەي فەدەراتسياسىنىڭ پرەزيدەنتىنە ماسكەۋگە رەسمي ساپارمەن كەلۋگە شاقىرعانى ءۇشىن شىن جۇرەكتەن ريزاشىلىعىمدى بىلدىرگىم كەلەدى. ءبىز قول جەتكىزىلگەن كەلىسىمدەرمەن ۇزاق كەلىسسوزدەردى اياقتادىق, بۇل تۋرالى قۇرمەتتى ۆلاديمير ۆلاديميروۆيچ پۋتين حابارلاعان بولاتىن. كەلىسسوزدەر وتە مازمۇندى بولدى, قىزىقتى دەپ تە ايتار ەدىم. وسى مۇمكىندىكتى پايدالانا وتىرىپ, وسى كەلىسسوزدەر وتكەندىگىنە ريزاشىلىعىمدى بىلدىرگىم كەلەدى», دەدى قاسىم-جومارت توقاەۆ.
قر پرەزيدەنتىنىڭ ايتۋىنشا, بيىلعى جىل قوس مەملەكەت ءۇشىن ماڭىزدى جىل بولماق.
ء«بىز ەلدەرىمىز اراسىنداعى ديپلوماتيالىق قارىم-قاتىناستىڭ 30 جىلدىعىن تويلايمىز. وسى ۋاقىت ىشىندە دوستىق بەرىكتىگىنە, تاريحتىڭ ورتاقتىعىنا, ءبىزدىڭ حالىقتارىمىزدىڭ مەنتالدىق جاقىندىعىنا سۇيەنە وتىرىپ, ءبىز شىن مانىندە ۇلگىلى مەملەكەتارالىق ىنتىماقتاستىقتى ورناتتىق. قارقىندى ساياسي ديالوگتىڭ ارقاسىندا بارلىق باعىتتار بويىنشا اسەرلى تابىستارعا قول جەتكىزدىك. ءبىزدىڭ الەمدەگى ەڭ ۇزىن قۇرلىقتاعى شەكارامىز بۇكىل حالىقارالىق قوعامداستىققا ناعىز ۇلگىلى تاتۋ كورشىلىكتىڭ, سەنىمدى ىنتىماقتاستىق پەن ستراتەگيالىق ارىپتەستىكتىڭ جارقىن ۇلگىسى بولىپ تابىلادى», دەدى مەملەكەت باسشىسى.