مەملەكەت باسشىسىنىڭ ارنايى تاپسىرمالارىنىڭ ءبىرى وڭىرلەرگە بولىنەتىن قاراجاتتىڭ تەڭگەرىمسىزدىگىنە بايلانىستى بولدى. وسىعان سايكەس ءبىزدىڭ كوميتەتتە ارنايى جۇمىس توبى قۇرىلدى, جەرگىلىكتى اتقارۋشى جانە ورتالىق مەملەكەتتىك ورگاندارمەن بىرلەسىپ جۇمىس جۇرگىزىلىپ, ساراپتاما جاسالۋدا.
باستى ماقسات – ءاربىر وڭىردەگى نەگىزگى ءارى ەڭ وزەكتى دەگەن ماسەلەلەرگە قارجى جەتۋى كەرەك. سەنات قابىرعاسىنداعى دەپۋتاتتار دا وڭىرلەردەن سايلانعان, ءاربىر ايماقتىڭ ءمان-جايىن, جاعدايىن, حالىقتىڭ تۇرمىس-تىرشىلىگىن جاقسى بىلەدى. سوندىقتان ءبىزدىڭ جۇمىس توبىمىز وتە جوعارعى دەڭگەيدە قىزمەت ەتۋدە.
نەگىزگى ماقساتىمىز رەسپۋبليكالىق بيۋدجەتتەن بولىنەتىن ترانسفەرتتەردىڭ كوزدەگەن نىسانىنا جەتۋى بولىپ وتىر. بۇل – نەگىزگى سيپاتتاعى ترانسفەرت, ودان كەيىن ماقساتتى ترانسفەرتتەردىڭ وڭىرلەرگە بولىنەتىن كولەمى دە اسا ماڭىزدى ماسەلە قاتارىندا.
مىسالى, ءار ءوڭىردىڭ ءارتۇرلى پروبلەمالارى بار. اتىراۋ وڭىرىندە اۋىز سۋعا, ەكولوگياعا جانە جولعا قاتىستى ماسەلەلەر بار. باتىس قازاقستان وبلىسىندا ەلەكتر ەنەرگياسىنا قاتىستى تۇيتكىلدەر بايقالادى. وڭتۇستىك وڭىرلەردە حالىق سانىنىڭ وسۋىنە بايلانىستى مەكتەپتەردىڭ قۇرىلىسىنا قاجەتتى قاراجات كەرەك. ءبىز وسى قارجىنىڭ ءتيىستى وڭىردەگى وزەكتى ماسەلەلەردى شەشۋگە جۇمسالۋىن قاداعالاۋ ءۇشىن جەرگىلىكتى اتقارۋشى ورگاندارمەن, مينيسترلىكتەرمەن بىرلەسىپ جۇمىس توبىن قۇردىق جانە ولارمەن جۇمىس ىستەپ جاتىرمىز.
سەرىكباي ترۇموۆ,
سەنات دەپۋتاتى