اقپاننىڭ اقتۇتەك بورانى: ەلىمىزدىڭ باسىم بولىگىندە كۇن رايى كۇرت بۇزىلادى

مامانداردىڭ بولجامىنشا, بىرقاتار ايماقتا قار, قار ارالاس جاۋىن-شاشىن, بۇرقاسىن, تۇمان جانە كوكتايعاق بولۋى ىقتيمال. كەي وڭىرلەردە جەلدىڭ ەكپىنى سەكۋندىنا 15-23 مەترگە جەتەدى.

استانادا قار ارالاس جاۋىن-شاشىن ءتۇسىپ, سوڭى كوكتايعاققا ۇلاسادى جانە كۇندىز بۇرقاسىن سوعۋى مۇمكىن. جەلدىڭ ەكپىنى سەكۋندىنا15-20 مەترگە, كەي ۋاقىتتا 23 مەترگە دەيىن كۇشەيەدى.

الماتى قالاسىندا تۇنگى جانە تاڭعى ۋاقىتتا تۇمان تۇسسە, قوناەۆ قالاسىندا جەلدىڭ كۇشەيۋى بولجانىپ وتىر.

شىمكەنت پەن تۇركىستان قالالارىندا تۇندە جانە تاڭەرتەڭ نوسەر جاۋىن جاۋادى. تۇركىستان وبلىسىنىڭ وڭتۇستىگى مەن باتىسىندا, سونداي-اق تاۋلى وڭىرلەرىندە دە جاۋىن-شاشىندى اۋا رايى بولجانعان.

اقپان ايىندا اۋا رايى قانداي بولادى؟

اتىراۋ وبلىسىندا قار جاۋىپ, بۇرقاسىن سوعادى. تۇندە جانە تاڭعى ۋاقىتتا تۇمان ءتۇسىپ, كوكتايعاق بولادى. جەل سولتۇستىك-باتىستان جانە باتىستان سوعىپ, ەكپىنى سەكۋندىنا 20 مەترگە دەيىن كۇشەيەدى. جەتىسۋ وبلىسىنىڭ سولتۇستىگى مەن تاۋلى اۋداندارىندا تۇمان ءتۇسىپ, جولدا كوكتايعاق بولادى.

ماڭعىستاۋ وبلىسىندا دا قار جاۋىپ, كوكتايعاق بولادى. اقتاۋ قالاسىندا ەكپىندى جەل سوعادى.

ۇلىتاۋ, قاراعاندى جانە اقمولا وبلىستارىندا جاۋىن-شاشىنمەن قاتار بۇرقاسىن, تۇمان جانە كوكتايعاق بولادى. 

تۇمان, كوكتايعاق: الداعى كۇندەرى اۋا رايى قانداي بولادى؟

جامبىل, قىزىلوردا, سولتۇستىك قازاقستان, اقتوبە جانە اباي وبلىستارىندا قار ارالاس جاۋىن-شاشىن, تۇمان, كوكتايعاق جانە بۇرقاسىن بولجانعان. تاراز, قىزىلوردا, پەتروپاۆل جانە سەمەي قالالارىندا جەل كۇشەيىپ, كۇن رايى قۇبىلادى.

شىعىس قازاقستان مەن پاۆلودار وبلىستارىندا دا قار ارالاس جاۋىن-شاشىن, بۇرقاسىن جانە كوكتايعاق بولجانىپ وتىر. وسكەمەن مەن پاۆلوداردا جەلدىڭ ەكپىنى سەكۋندىنا 20 مەترگە دەيىن جەتەدى.

باتىس قازاقستان جانە قوستاناي وبلىستارىندا قار جاۋىپ, باياۋ بۇرقاسىن سوعادى. كەي جەرلەردە تۇمان ءتۇسىپ, ورال قالاسىندا تۇندە قارلى بوران سوعۋى ىقتيمال.

اۋا رايىنا بايلانىستى ەكى وبلىستا جول جابىلدى

الماتى وبلىسىنىڭ بىرقاتار اۋدانىندا تۇمان ءتۇسىپ, جەلدىڭ ەكپىنى سەكۋندىنا 17-22 مەترگە دەيىن كۇشەيەدى.