قۇلسارىدا مەكتەپ ىشىندە بالتا ۇستاپ جۇگىرگەن 10-سىنىپ وقۋشىسىنا قاتىستى سوت شەشىمى شىقتى. بۇعان دەيىن ۇيقاماقتا وتىرعان بالاعا ساباققا قاتىسۋعا رۇقسات بەرىلدى, دەپ جازادى Egemen.kz.
اتالعان جاعدايعا بايلانىستى ءمينيستردىڭ تاپسىرماسىمەن وڭىرگە ەلوردادان ارنايى كوميسسيا كەلۋى ءتيىس. الايدا جەرگىلىكتى اتقارۋشى ورگاندار جاسوسپىرىمگە قاتىستى بۋللينگ دەرەگى ازىرگە راستالماعانىن مالىمدەدى.
«بۋللينگ فاكتىسى ناقتى دالەلدەنگەن جوق. قازىر تەرگەۋ امالدارى جۇرگىزىلىپ جاتىر. تەكسەرۋ باسقا سىنىپتىڭ 4 وقۋشىسىنا قاتىستى. ولار ءۇزىلىس كەزىندە جاسوسپىرىممەن سويلەسۋ ءۇشىن كەلگەن. ول جەردە ناقتى نە بولعانىن تەرگەۋ انىقتايدى», دەدى اتىراۋ وبلىسى ءبىلىم باسقارماسىنىڭ باسشىسى مارات ابۋوۆ.
الەۋمەتتىك جەلىدەگى ۆيدەو جانە قۇقىقتىق باعاوقيعادان كەيىن الەۋمەتتىك جەلىلەردە مەكتەپ دالىزىندە بالتا ۇستاپ جۇگىرگەن وقۋشىنىڭ بەينەجازباسى تارادى. كادرلاردان ونىڭ وزگە ءبىر وقۋشىنى قۋا جونەلگەنى, الگى قاشقان بالانىڭ سىنىپتاردىڭ بىرىنە كىرىپ, ەسىكتى ىشتەن جاۋىپ العانى انىق كورىنەدى.
قۇلسارىدا مەكتەپكە بالتامەن كەلگەن 10-سىنىپ وقۋشىسى قاماۋعا الىندى
پوليتسيانىڭ مالىمەتىنشە, 10-سىنىپ وقۋشىسى قاتارلاستارىمەن بولعان جانجالدان كەيىن شابۋىل جاساپ, كەيىن مەكتەپ اۋماعىنان شىعىپ كەتكەن. باسقا وقۋشىلارعا زيان كەلتىرمەگەن. ءجاسوسپىرىم سول كۇنى ۇستالىپ, ۋاقىتشا ۇستاۋ يزولياتورىنا قامالدى. اتالعان دەرەك بويىنشا بۇزاقىلىق فاكتىسىمەن قىلمىستىق ءىس قوزعالىپ, ماتەريالدار كامەلەتكە تولماعاندار ءىسى جونىندەگى كوميسسياعا جولدانعان.
وقۋشى سىنىپتاسىنا بالتا الا جۇگىرگەن: قۇلسارىداعى مەكتەپتىڭ ديرەكتورى قىزمەتىنەن بوساتىلدى
مەكتەپ باسشىلىعى جانە مينيستر پىكىرىوقيعادان سوڭ مەكتەپ ديرەكتورى قاتاڭ سوگىس الىپ, ءوز ەركىمەن قىزمەتىنەن كەتكەنى بەلگىلى بولدى. بۇل جايتقا وقۋ-اعارتۋ ءمينيسترى جۇلدىز سۇلەيمەنوۆا دا نازار اۋدارىپ, جاۋاپكەرشىلىكتى تەك مەكتەپ ديرەكتورىنا جۇكتەۋ دۇرىس ەمەس ەكەنىن ايتتى.
«ەگەر وقۋ جىلىنىڭ ورتاسىندا وسىنداي جاعدايلار تۋىنداعان سايىن مەكتەپ ديرەكتورلارىن قىزمەتتەن بوساتا بەرسەك, بۇل لاۋازىمعا كەلگىسى كەلەتىن ادام قالماۋى مۇمكىن. مۇنداي كۇردەلى ماسەلەلەر ءۇشىن جاۋاپكەرشىلىك ءبىر عانا ديرەكتورعا ارتىلماۋى ءتيىس», دەدى مينيستر.
قازىرگى ۋاقىتتا اتالعان ءىس بويىنشا تەرگەۋ امالدارى جالعاسىپ جاتىر.
وقۋ-اعارتۋ ءمينيسترى: بۋللينگ ءۇشىن ديرەكتوردى جۇمىستان بوساتۋ ورىنسىز