تاياۋ شىعىستاعى جاعداي بارعان سايىن شيەلەنىسىپ بارادى. يران تاراپى يزرايل پرەمەر-ءمينيسترى بەنيامين نەتانياحۋدىڭ كەڭسەسىنە سوققى جاسالعانىن مالىمدەدى. قازىرگى ۋاقىتتا ساياساتكەردىڭ تاعدىرى بەلگىسىز. بۇل تۋرالى يراندىق Tasnim اگەنتتىگى يسلام رەۆوليۋتسياسى ساقشىلار كورپۋسىنىڭ مالىمدەمەسىنە سىلتەمە جاساپ حابارلادى, دەپ جازادى Egemen.kz
يرسك دەرەگىنشە, كەڭسە «Kheibar» زىمىراندارى ارقىلى اتقىلانعان. شابۋىل يراننىڭ قارسى سوققىلارىنىڭ 10-شى تولقىنى اياسىندا جۇزەگە اسقان. سونىمەن قاتار يزرايل اسكەري-اۋە كۇشتەرى قولباسشىسىنىڭ ورنالاسقان جەرىنە دە سوققى بەرىلگەنى ايتىلدى.
ۇلىبريتانيا, گەرمانيا جانە فرانتسيا يرانعا ەسكەرتۋ جاسادى
يزرايل پرەمەر-ءمينيسترىنىڭ كەڭسەسى ازىرگە بۇل اقپاراتقا قاتىستى رەسمي تۇسىنىكتەمە بەرگەن جوق. ايماقتاعى ەسكالاتسيا 28 اقپاندا يزرايل مەن اقش-تىڭ يران اۋماعىنا جاساعان سوققىلارىنان كەيىن كۇشەيدى. ءۇشىنشى كۇن قاتارىنان يسلام رەسپۋبليكاسى اۋە شابۋىلدارىنا ۇشىراپ جاتىر. يران تاراپى بۇل سوققىلار سالدارىنان ەلدىڭ اسكەري-ساياسي باسشىلىعى, سونىڭ ىشىندە رۋحاني كوشباسشى اياتوللا ءالي حامەنەي قازا تاپقانىن مالىمدەدى.
ترامپ يرانعا قارسى وپەراتسيا مەرزىمىن اتادى
جاۋاپ رەتىندە تەگەران ايماق بويىنشا دروندار جانە بالليستيكالىق زىمىراندار ارقىلى سوققى بەرۋدە. اقش پرەزيدەنتى دونالد ترامپ ۆيدەوۇندەۋ جاساپ, يران تۇرعىندارىن پانالاۋ ورىندارىندا بولۋعا شاقىرىپ, «بومبالار بارلىق جەردە تۇسەدى» دەپ ەسكەرتكەن. پارسى شىعاناعى ەلدەرىنىڭ اۋە كەڭىستىگى جابىلعانى حابارلاندى.
1 ناۋرىزدا يران تاراپى 560 امەريكالىق اسكەري قىزمەتكەر قازا تاپقانىن جانە جارالانعانىن مالىمدەدى. الايدا اقش بۇل كورسەتكىشتەردى راستاعان جوق. اقش قارۋلى كۇشتەرىنىڭ ورتالىق قولباسشىلىعى يرانعا قارسى وپەراتسيا بارىسىندا 3 امەريكالىق اسكەري قىزمەتكەردىڭ قازا تاپقانىن حابارلادى.
يران نەگە امەريكالىق جانە يزرايلدىك ۇشاقتاردى اتىپ تۇسىرە المايدى؟
ايماقتاعى اسكەري قاقتىعىس اۋقىمى كەڭەيىپ كەلەدى. جاعدايدىڭ ءارى قاراي قالاي ءوربيتىنى تاراپتاردىڭ ساياسي شەشىمىنە بايلانىستى بولماق.