قولما-قول اقشامەن ەسەپ ايىرىسۋ ازايىپ كەلەدى

«بارىمىزگە بەلگىلى, سالىقتار ەكونوميكانى رەتتەۋدىڭ, ۇلتتىق تابىستى قايتا ءبولۋدىڭ, سونداي-اق بيزنەستى دامىتۋدى ىنتالاندىرۋدىڭ نەگىزگى قۇرالدارىنىڭ ءبىرى بولىپ تابىلادى. سوندىقتان سالىق سالۋ سالاسى ۇنەمى جەتىلدىرۋدى تالاپ ەتەدى. سوڭعى جىلدارى شاعىن كاسىپكەرلىكتى دامىتۋعا باسا نازار اۋدارىلدى. وسىلايشا, ارنايى سالىق رەجيمدەرىن قولداناتىن ميكرو جانە شاعىن بيزنەس سۋبەكتىلەرى 2020-2022 جىلدار ارالىعىندا تابىسقا سالىناتىن سالىقتاردان بوساتىلدى. سونىمەن قاتار ميكرو جانە شاعىن بيزنەستى تەكسەرۋگە موراتوري ەنگىزىلدى. بۇل شارالار 1 ميلليوننان استام بيزنەس سۋبەكتىلەرىن قامتيدى», دەپ جازدى الىبەك قۋانتىروۆ دەپۋتاتتىق ساۋالعا بەرگەن جاۋابىندا.

ول وسى تۇرعىدا بيزنەستەن قىزمەتتى, ونىڭ ىشىندە قولما-قول اقشاسىز ەسەپ ايىرىسۋ قۇرالدارىن پايدالانۋ ارقىلى ادال جانە اشىق جۇرگىزۋ تالاپ ەتىلەتىنىن اتاپ ءوتتى.

«بۇل ەكونوميكانى «قونىستاندىرۋ» ءۇشىن, اسىرەسە كولەڭكەلى اينالىمداردىڭ ايتارلىقتاي ۇلەسى ساقتالىپ وتىرعان ساۋدا جانە قىزمەت كورسەتۋ سالالارىندا قاجەت. ۇلتتىق بانكتىڭ دەرەكتەرى بويىنشا 2019-2020 جىلدار كەزەڭىندە قولما-قول اقشاسىز ترانزاكتسيالار سانى 2,4 ەسەدەن استامعا ءوسىپ, 35,3 ترلن تەڭگەگە جەتتى, تولەم كارتالارىن پايدالانا وتىرىپ قولما-قول اقشاعا اينالدىرۋ كولەمىنىڭ 2015 جىلعى 89,6%-دان 2020 جىلدىڭ قورىتىندىسى بويىنشا 32,6%-عا دەيىن قارقىندى تومەندەۋى بايقالادى. الايدا, موبيلدىك اۋدارىمدار ارقىلى كەلىپ تۇسەتىن اقشالاي قاراجات سالىق سالۋدان بوساتىلعانىنا قاراماستان, كاسىپكەرلەردىڭ كىرىستەرىندە كورسەتىلمەيدى. وسىلايشا, مۇنداي كىرىستەردى ەسەپكە الۋ ماسەلەسىن زاڭنامالىق رەتتەۋ تالاپ ەتىلدى جانە 2021 جىلى سالىق زاڭناماسىنا ءتيىستى وزگەرىستەر ەنگىزىلدى. وسىلايشا, موبيلدىك اۋدارىمدار ارقىلى الىنعان كاسىپكەرلەردىڭ تابىستارى بويىنشا مالىمەتتەر الۋ كىرىستەردى ەسەپكە الۋعا جانە كولەڭكەلى اينالىمداردى ازايتۋعا باعىتتالعان», دەپ تۇيىندەدى مينيستر.