الاشتىڭ ابىزى

تاعدىرى وڭاي بولعان جوق. اشتىقتىڭ, قۋعىن-سۇرگىننىڭ كۋاسى بولدى, بۇعاناسى بەكىمەي جاتىپ قولىنا قارۋ ۇستاپ, مايدانعا اتتاندى. قان قاساپتان امان كەلىپ, ءتول ادەبيەتىمىزدىڭ الىبىنا اينالدى. ويتكەنى ابە تەكتىلەردىڭ تۇياعى, اتا-بابالارى تۋ ۇستاعان باتىر, ءسوز ۇستاعان بي بولعان. سوندىقتان قاسيەتتى ءتىلىمىز بەن جەرىمىزدى داۋلاعاندا اۋزى دۋالى اقساقال, داناگوي قاريا العا شىققان جوق پا؟ ۇلى ابايدىڭ جولىمەن كەرتارتپالىقتى, وزبىرلىقتى, توعىشار پىسىقايلىقتى, الەۋ­مەتتىك اۋمەسەرلىكتى, داڭ­عوي­لىق پەن داڭعازالىقتى سىناپ, شىن نامىستى شيراتىپ, قولىمىزعا ازەر قونعان ازاتتىق قۇسىن قىزعىشتاي قورعاعان ابەنىڭ ەرلىگى مەن ەڭبەگىن قالاي ۇمىتامىز؟ ابە 95 جاسقا تولعاندا مەملەكەت باسشىسى ق.توقاەۆ الماتىعا ارنايى كەلىپ «ەندى عاسىرلىق مەرەيتويىڭىزدا كەزدەسەيىك» دەگەن تىلەكپەن بىرگە «ەڭبەك ەرىنىڭ» التىن جۇل­دىزىن توسىنە تاعىپ ەدى. امال نە, اللانىڭ امىرىنە قارسى شىعۋ مۇمكىن ەمەس. بىراق ءبىز بۇگىن اللا تاعالاعا وكپە ايتۋ ءۇشىن ەمەس, قازاق حالقىنا وسىنداي تۇلعانى سىيلاعانى ءۇشىن راحمەت ايتۋعا جينالدىق. جانىڭىز جاناتقا سامعاعانمەن, ءسوزىڭىز, ويىڭىز, پىكىرىڭىز اق قاعازدىڭ بەتىندە, قارا جەردىڭ ۇستىندە قالىپ بارادى عوي, اياۋ­لى ابە! سولاردى وزىڭىزدەي, كوزىڭىزدەي كورىپ, ءالى تالاي سىرلاسارمىز, ءماسليحاتتاسارمىز! ويتكەنى الار اسۋلارىمىز قي­­ىنداپ بارادى. شىعار شىڭدارىمىز بيىكتەپ بارادى. قاتارلارىمىز سيرەپ بارادى. قالعاندارىمىزدىڭ ەندىگى جەردە ايتىسىپ-تارتىسىپ جۇرۋگە قاقىمىز جوق بولسا كەرەك, رۋحاني جاڭعىرۋعا رۋحاني بىرلىكپەن جەتۋىمىز قاجەت بولىپ تۇر. ابىز اعامىزدىڭ قازاسى وسىندايدا كەشەگى ىزعارلى قاڭتاردان كەيىن ەلدى بىرلىككە شاقىرعانداي بولىپ كورىنەدى. ەندىگى تۇسكەن اق جول ءبىر-بىرىمىزگە ءارى سەرگەك, ءارى ءادىل بولۋدى تالاپ ەتەدى! وسى ءبىر ۇيىتقىلى ىستە ابەنىڭ رۋحى بىزبەن ماڭگى بىرگە!

قىرىمبەك كوشەرباەۆ,

مەملەكەت جانە قوعام قايراتكەرى