الماتى اكىمى ەربولات دوساەۆ ورتالىق قالالىق كلينيكالىق اۋرۋحاناعا بارىپ, بالالارعا شۇعىل مەديتسينالىق كومەك كورسەتۋ ورتالىعىنىڭ جاڭا كورپۋسىنىڭ قۇرىلىسىن تەكسەردى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
الماتى اكىمى ورتالىق قالالىق كلينيكالىق اۋرۋحانانىڭ قىزمەتكەرلەرىمەن كەزدەسىپ, تەلەمەديتسينا ورتالىعى مەن مەديتسينالىق مەكەمە بولىمشەلەرىنىڭ جۇمىسىمەن تانىستى.
كەزدەسۋ بارىسىندا ەربولات دوساەۆ اۋرۋحانا قىزمەتكەرلەرىنە قاڭتارداعى قايعىلى وقيعالار كەزىندە قىزمەتتىك بورىشىن كاسىبي دەڭگەيدە اتقارعانى ءۇشىن العىس ايتتى.
قىزمەتكەرلەر جاراقات العاندار مەن زارداپ شەككەندەرگە, باس-مي جاراقاتتارى مەن اتىس جاراقاتتارى بار اسكەري جانە ازاماتتىق تۇلعالارعا كومەك كورسەتتى.
قاڭتاردىڭ قايعىلى وقيعالارى كەزىندە كلينيكاعا بارلىعى 300-دەن استام زارداپ شەككەندەر جۇگىندى. دارىگەرلەر 250-دەن استام وتا جاسادى. كوپتەگەن پاتسيەنتتەرگە ولاردىڭ جاعدايىن تۇراقتاندىرۋ جانە ومىرگە قاۋىپ توندىرمەۋ ءۇشىن شۇعىل وتالار جاسالدى.
قالا باسشىسى قابىلداۋ ءبولىمىنىڭ, وپەراتسيالىق زالدىڭ, رەانيماتسيا جانە وفتالمولوگيالىق بولىمشەنىڭ جۇمىسىمەن دە تانىستى. ول, سونداي-اق بالالارعا شۇعىل مەديتسينالىق كومەك كورسەتۋ ورتالىعىنىڭ جاڭا كورپۋسى قۇرىلىسىنىڭ بارىسىن باعالادى. نىساندى جىل سوڭىنا دەيىن پايدالانۋعا بەرۋ جوسپارلانۋدا.