شورت-ترەكتەن قازاقستان قۇراماسى بەيجىڭدەگى وليمپيادا ويىندارىندا ارالاس كوماندالىق ەستافەتادا جۇبانىش فينالىندا ونەر كورسەتتى, دەپ حابارلايدى Egemen.kz Sports.kz-كە سىلتەمە جاساپ.
اقتىق سىندا ا فينالىنا شىعا الماعان ءتورت قۇراما قاتىسۋى كەرەك ەدى. الايدا رەسەي مەن اقش كوماندالارى ويىننان شەتتەتىلگەننەن كەيىن مۇزعا قازاقستان مەن نيدەرلاندى قۇرامالارى عانا شىقتى.
ابزال اجعاليەۆ, يانا حان, ولگا تيحونوۆا جانە دەنيس نيكيشا قاتىسقان قازاقستان قۇراماسى ەكىنشى ورىنعا يە بولدى. وسىلايشا, قازاقستاننىڭ ارالاس ەستافەتاداعى قورىتىندى ورنى - التىنشى.
قازىرگى ۋاقىتتا بۇل قازاقستاننىڭ 2022 جىلعى وليمپياداداعى ەڭ ۇزدىك ناتيجەسى.
بۇعان دەيىن قازاقستان ساپىنان ءادىل عالياحمەتوۆ ونەر كورسەتكەن بولاتىن. سپورتشى 1000 مەتر قاشىقتىقتا بىلىكتىلىكتەن وتە المادى.