الماتى قالاسىنىڭ ورتالىعىندا قارۋ-جاراق ارسەنالى تابىلدى, دەپ حابارلايدى Egemen.kz Polisia.kz-كە سىلتەمە جاساپ.
قارۋ-جاراقتار وسى جىلدىڭ قاڭتار ايىنىڭ باسىندا ورىن العان تارتىپسىزدىكتەردىڭ ەپيتسەنترىندە تابىلدى.
«جەدەل ءىس-شارالار جۇرگىزۋ بارىسىندا مەملەكەتتىك مۋزەي جانىنان قارۋ-جاراق تابىلدى. تراۆماتيكالىق قارۋ مەن گراناتالار ارنايى جاسىرىن جەردەن تابىلدى. قوقىس جاشىگىنەن جاقىن جەردە قارۋعا تيەسىلى پاتروندار تابىلدى: 12 كاليبرلى - 19 دانا, 7.62 كاليبرلى - 7 دانا, 5.45 كاليبرلى - 4 دانا», دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەباەۆ.