ءدال قازىر بەيجىڭ قالاسىندا 2022 جىلعى قىسقى وليمپيادا ويىندارىنىڭ اشىلۋ سالتاناتى باستالدى, دەپ حابارلايدى Egemen.kz.
ءدۇبىرلى دوداعا الەمنىڭ 90-نان استام ەلىنەن سپورتشىلار قاتىسادى. الەمدىك سپورتتىق دودادا سپورتشىلار سانى بويىنشا اقش, رەسەي مەن كانادا كوش باستاپ تۇر. ماسەلەن, اقش-تان 223 ادام ءدۇبىرلى دودادا باسەكەگە تۇسسە, رەسەيدەن – 212, كانادان – 211 سپورتشى جارىس جولىنا شىعادى.
سونداي-اق قىتايدان 171 سپورتشى قاتىسادى, ودان كەيىنگى ورىندارداعى شۆەيتساريادان – 168, گەرمانيادان – 148, جاپونيادان – 122, شۆەتسيادان – 116, چەحيادان – 114, يتاليادان – 112, اۆستريادان – 108, فينليانديادان – 96, فرانتسيادان –85, نورۆەگيادان – 52, ۇلىبريتانيادان – 50, ۋكراينادان – 45, اۆستراليادان – 44, وڭتۇستىك كورەيادان – 38, قازاقستاننان – 34, بەلارۋستەن – 28 ساڭلاق ەل نامىسىن قورعايدى.
اق وليمپيادادا ەلىمىزدىڭ اتىنان 34 سپورتشى 85 جولداما بويىنشا سىنعا تۇسەدى.
مامانداردىڭ ايتۋىنشا, قازاقستاندىق سپورتشىلار فريستايل-موگۋل, فريستايل-اكروباتيكا, شورت-ترەكتە جۇلدە قورىن تولىقتىرۋى مۇمكىن.
اق وليمپيادانىڭ اشىلۋ سالتاناتى «Qazaqstan», «Qazsport» جانە «حابار» ارنالارىنان كورسەتىلۋدە.