بۇگىن تاڭەرتەڭ قىزىلجاردىڭ ورتاسىنداعى «نۇر» اتتى مەشىتتىڭ اسحاناسىنا ىرگەلەس اعاشتان سالىنعان شارۋاشىلىق قۇرىلىستا ءورت شىقتى, دەپ حابارلايدى Egemen.kz.
تج ورنىنا №1 جانە № 2 مامانداندىرىلعان ءورت ءسوندىرۋ بولىمدەرىنىڭ, وبلىس ورتالىعىنىڭ № 3 ءورت ءسوندىرۋ ءبولىمىنىڭ جانە سقو تجد جەدەل-قۇتقارۋ جاساعىنىڭ بولىمشەلەرى دەرەۋ جەتتى.
ورتسوندىرۋشىلەر جەتكەندە عيمارات اشىق جالىنعا ورانىپ, مەشىت پەن تۇراقتا تۇرعان اۆتوكولىككە قاۋىپ تونگەن ەدى. جەدەل قيمىلداعان ءورت سوندىرۋشىلەر وتتىڭ تارالۋىنا جول بەرىلمەدى. ءورت ورنىنان جەتى 50 ليترلىك گاز باللونى ەۆاكۋاتسيالاندى.
وت ءبىر ساعاتتىڭ ىشىندە تولىق ءسوندىرىلدى. قازا بولعاندار مەن زارداپ شەككەندەر جوق. تەك 2 جەڭىل اۆتوكولىك ءىشىنارا زاقىمداندى, اۋدانى 15 شارشى مەتر شارۋاشىلىق قۇرىلىسى ورتەندى. قازىر ءورتتىڭ شىعۋ سەبەبى جانە كەلتىرىلگەن شىعىن مولشەرى انىقتالۋدا.