الماتىدا تاعى ءۇش مىڭ كامەرا ورناتىلادى

«2022 جىلعى 4-7 قاڭتار ارالىعىندا جاپپاي تارتىپسىزدىكتەر كەزىندە 75 «سەرگەك» كەشەنى, بۇل 304 بەينەكامەرا, سونداي-اق رترك عيماراتىندا ورنالاسقان ورتالىق بايلانىس ورتالىعى, انتەننا جانە جەلىلىك جابدىق ىستەن شىقتى», دەلىنگەن Polisia.kz مالىمەتىندە.

بارلىق زاقىمدالعان كامەرالار مەن جابدىقتار قالپىنا كەلتىرىلگەن. 1 103 كامەرانى قامتيتىن «بەينەباقىلاۋ جۇيەلەرى» جوباسى بويىنشا جاپپاي تارتىپسىزدىكتەر كەزىندە 283 كامەرا, سونداي-اق جابدىقتار ىستەن شىققان. قازىرگى ۋاقىتتا بەينەكامەرالار مەن زاقىمدانعان قوندىرعىلار قالىپتى جۇمىس ىستەپ تۇر.

پوليتسيا بىرىڭعاي بەينەباقىلاۋ جۇيەسىن دامىتۋدى جالعاستىرۋدى جوسپارلاپ وتىر. الداعى ۋاقىتتا ءۇش مىڭ بەينەباقىلاۋ كامەراسىن ورناتىلاتىنى ايتىلدى.

«ەگەر بۇرىن تەك جول قوزعالىسى قاۋىپسىزدىگىنىڭ جاي-كۇيى پد جبو ارقىلى باقىلاناتىن بولسا, 2020 جىلدان باستاپ ورتالىق ازاماتتاردىڭ كوپ جينالاتىن جەرلەرىندەگى, اۋلالارداعى جانە پوليتسيا پۋنكتتەرىنە ىرگەلەس اۋماقتارداعى قوزعالىس مارتەبەسىنە ەنە باستادى.  الداعى 2 جىلدا قالاداعى بارلىق جاعدايدى كورۋ ءۇشىن كامەرالاردى ساۋدا ورتالىقتارىمەن جانە باسقا دا جەكە مەنشىك نىساندارىمەن بىرىكتىرۋدى جوسپارلاپ وتىرمىز», دەدى الماتى قالالىق پد اقپاراتتاندىرۋ جانە بايلانىس باسقارماسىنىڭ باستىعى ولگا اگافونوۆا.