قاراعاندى قالاسىنداعى قاسيەتتى قارا شاڭىراق ساكەن سەيفۋللين اتىنداعى اكادەميالىق قازاق دراما تەاترى بيىل تورقالى توقساننىڭ تورىنە شىققالى وتىر.
تالاي تۇعىرلى تۇلعالاردىڭ ءىزى قالعان كيەلى ساحنا كوزى قاراقتى كورەرمەن ءۇشىن ارقاشان ىستىق.
ءوز كەزەگىندە بيىل اتالعان ۇجىم مەرەيلى مەجەدە تەاتر سۇيەر قاۋىمدى كوپتەگەن جاڭا پرەمەرامەن قۋانتپاق. سونىڭ ءبىرى – تۇساۋى كەسىلگەلى وتىرعان «اينالايىن» پسيحولوگيالىق دراماسى. پرەمەرا بۇگىن ساعات 18:30-دا جانە 5, 6 اقپان كۇندەرى ساعات 17:00-دە وتەدى.
«اينالايىن» – تاجىك دراماتۋرگى جانە رەجيسسەرى بارزۋ ابدۋرازاكوۆتىڭ پەساسى ەكەنىن ايتا كەتكەنىمىز ءجون. ەر جەتىپ قالعان ۇل مەن انا اراسىنداعى تارتىستى دراما قازىرگى قوعامنىڭ كوڭىل كۇيىن ءدال سۋرەتتەيدى. شىنىندا دا, بالا ەسەيگەن سايىن ءوزىن باعىپ-قاققان, ءوسىرىپ, ەر جەتكىزگەن اتا-انادان الشاقتاي بەرەدى. قاراپايىم قوڭىراۋ شالا سالۋدىڭ ءوزى قيىن شارۋاداي كورىنەدى.
ءمانىسى تىم تەرەڭدە جاتقانداي. پسيحولوگيالىق دراما وسىعان جاۋاپ ىزدەيدى.
پەسانى اۋدارعان ۇلپان توقاەۆا بولسا, قويۋشى رەجيسسەر ايدىن سالبانوۆ.