شەكاراشىلار ەكى ايدا كاسپي تەڭىزىنەن 23 ءجۇزۋ قۇرالىنا مىنگەن 45 قۇقىق بۇزۋشىنى ۇستادى, دەپ حابارلايدى Egemen.kz ۇلتتىق قاۋىپسىزدىك كوميتەتىنە سىلتەمە جاساپ.
جاعالاۋ كۇزەتىنىڭ شەكارا كەمەلەرىنىڭ ەكيپاجدارى كاسپي تەڭىزىنىڭ اكۆاتورياسىنداعى ءجۇزۋدىڭ قولايلى رەجيمىن ساقتاۋ, براكونەرلىك قىلمىستاردىڭ جولىن كەسۋ جانە سۋ بيولوگيالىق رەسۋرستارىن قورعاۋ بويىنشا تۇراقتى نەگىزدە جەدەل الدىن الۋ شارالارىن جۇرگىزەدى.
اۋماقتىق سۋ رەجيمىنىڭ نەگىزگى بۇزۋشىلارى - شەتەلدىك جانە قازاقستاندىق براكونەرلەر. ولار ءوز ارەكەتى بارىسىندا جىلدام جۇزەتىن ءجۇزۋ قۇرالدارىن پايدالانادى.
تەك ەكى اي ىشىندە (2021 جىلعى جەلتوقساننان 2022 جىلعى قاڭتارعا دەيىن) شەكاراشىلار تەڭىزدە 23 ءجۇزۋ قۇرالىنا مىنگەن 45 قۇقىق بۇزۋشىنى ۇستادى.
73 كم-دەن استام براكونەرلىك كاسىپ قۇرالدارى (بالىق اۋلاۋ تورلارى) الىندى, تەڭىزگە 1 905 بەكىرە تۇقىمداس (373) جانە ۇساق بالىق (1 532) جىبەرىلدى.
1 ملن 130 مىڭ تەڭگە كولەمىندە ايىپپۇل سالىندى. مەملەكەتكە كەلەتىن 575 ملن تەڭگەدەن استام سوماداعى ەكونوميكالىق زالالدىڭ الدىن الدى.