بەيجىڭدەگى قىسقى وليمپيادا ويىندارىنا 150 مىڭعا جۋىق كورەرمەن بارادى. بۇل تۋرالى «بەيجىڭ-2022» ۇيىمداستىرۋ كوميتەتى ءمالىم ەتتى, دەپ حابارلايدى Egemen.kz.
ۇيىمداستىرۋ كوميتەتىنىڭ مالىمدەۋىنشە, جانكۇيەرلەرگە ارنالعان ورىنداردىڭ جارتىسى ولارعا تيەسىلى. كورەرمەندەر قاتارىنا قىتايدىڭ قۇرلىقتىق بولىگىندە تۇراتىن شەتەلدىكتەر, ديپلوماتيالىق ميسسيالار مۇشەلەرى مەن ماركەتينگ بويىنشا ارىپتەستەر, جەرگىلىكتى تۇرعىندار, باستاۋىش جانە ورتا مەكتەپ وقۋشىلارى كىرەدى.
كوروناۆيرۋستىڭ تارالۋىنىڭ الدىن الۋ جانە حالىقارالىق سپورت شاراسىنىڭ بارلىق قاتىسۋشىلارىنىڭ قاۋىپسىزىدىگىن قامتاماسىز ەتۋ ماقساتىندا «بەيجىڭ-2022» ۇيىمداستىرۋ كوميتەتى بۇدان بۇرىن وليمپيادانىڭ شەتەلدىك جانكۇيەرلەرسىز وتەتىنى تۋرالى شەشىم قابىلداعان بولاتىن.
ۇيىمداستىرۋ كوميتەتى بيلەتتەردى ساتىلىمنان الىپ تاستاپ, ولاردىڭ جەرگىلىكتى جانكۇيلەرلەر اراسىندا بولىنەتىنىن حابارلاعان ەدى.
XXIV قىسقى وليمپيادا ويىندارى بەيجىڭدە 4-20 اقپان ارالىعىندا وتەدى.