1,1 ملن ادامعا – 338,8 ملرد تەڭگە

ەڭبەك ەتۋ قابىلەتىنەن ايى­رىل­عان جاعدايدا ماسق-تان تولە­نەتىن الەۋمەتتىك تولەم بيۋد­جەت قاراجاتىنان تولە­نە­تىن مۇگە­دەك­تىگى بويىنشا مەملە­كەت­تىك الەۋمەتتىك جاردە­ماقىعا قو­سىمشا مىندەتتى الەۋمەتتىك ساق­تاندىرۋ جۇيەسىنىڭ (بۇدان ءارى – ءماسج) قاتىسۋشىسىنا تاعايىن­دالادى. تولەمدى تاعايىن­داۋ ءۇشىن مۇگەدەكتىك العاش رەت بەلگىلەنگەن كەزدە مەديتسينالىق-الەۋمەتتىك ساراپتاما بولىمىنە جۇگىنۋگە بولادى. 2021 جىلى بۇل تولەمدى 26,9 ملرد تەڭگە سوماسىنا 94,7 مىڭ ادام الدى.

اسىراۋشىسىنان ايىرىلعان جاعدايدا ماسق-تان تولەنەتىن الەۋ­مەتتىك تولەم بيۋدجەت قارا­جا­تىنان تولەنەتىن اسىراۋشى­سىنان ايىرىلۋ بويىنشا مەم­لە­كەتتىك الەۋمەتتىك جاردەم­اقىعا قوسىمشا قايتىس بولعان ءماسج قاتىسۋ­شىسىنىڭ اسىراۋىنداعى ادام­­دارعا تاعايىندالادى. تو­لەم­­دى تاعايىنداۋ ءۇشىن «ازا­مات­تارعا ارنالعان ۇكىمەت» مەملە­كەت­تىك كورپوراتسياسى» كەاق-عا (بۇدان ءارى – مەملەكەتتىك كورپوراتسيا) جۇگىنۋگە بولادى. 2021 جىلى بۇل تولەمدى 17,7 ملرد تەڭ­گە سوماسىنا 57,7 مىڭ ادام الدى.

جۇمىسىنان ايىرىلعان جاع­دايدا ماسق-تان تولەنەتىن الەۋ­مەتتىك تولەم جۇمىسسىز رە­تىن­دە تىر­كەلگەن ءماسج-عا قا­تىسۋ­شى­عا تاعايىندالادى. تولەم­دى تاعايىنداۋ ءۇشىن:

- ەگەر ادام جۇمىسسىز رەتىندە تىر­كەلسە, مەملەكەتتىك كورپو­را­تسيا­عا;

- جۇمىسسىز رەتىندە تىركەلگەن كەزدە حالىقتى جۇمىسپەن قامتۋ ورتالىعىنا;

- جۇمىسسىز رەتىندە تىر­كەل­گەنى تۋرالى مالىمەت بولعان جاعدايدا egov.kz ۆەب-پورتالى ارقىلى;

- «ەلەكتروندىق ەڭبەك بيرجاسى» پورتالى ارقىلى (enbek.kz) جۇگىنۋگە بولادى.

اتالعان تولەم ءماسج-گە قا­تى­سۋ وتىلىنە بايلانىستى 1 اي­دان 6 ايعا دەيىنگى كەزەڭگە تاعايىن­دالادى. تولەم مولشەرى سوڭعى ەكى جىلداعى ورتاشا تا­بىستىڭ شامامەن 40%-ىن قۇراي­دى. 2021 جىلى بۇل تولەمدى 16,2 ملرد تەڭ­گە سوماسىنا 105,7 مىڭ ادام الدى.

جۇكتىلىگىنە جانە بوسانۋىنا, جاڭا تۋعان بالانى (بالالاردى) اسىراپ الۋىنا بايلانىستى تابىسىنان ايىرىلعان جاعدايدا ماسق-تان تولەنەتىن الەۋمەتتىك تولەم جۇمىس بەرۋشى بەلگىلەگەن جۇكتىلىك جانە بوسانۋ بويىنشا ۋاقىتشا ەڭبەككە جارامسىزدىق پا­راعى نەگىزىندە ءماسج-گە قاتى­سا­تىن جۇمىس ىستەيتىن ايەلدەرگە تاعايىندالادى.

بۇل تولەمنىڭ مولشەرى سوڭعى 12 ايداعى ماسق-قا الەۋمەتتىك اۋدا­رىمدار تولەنگەن تابىستارعا جانە ەڭبەككە جارامسىزدىق پاراعىنا سايكەس ەڭبەككە جارام­سىز­دىق كۇندەرىنىڭ سانىنا بايلانىستى بولادى. 2021 جىلى بۇل بىرجولعى تولەمدى 225,5 مىڭ بولا­شاق انا جالپى سوماسى 123,6 ملرد تەڭگەگە الدى.

سونداي-اق 2021 جىلى 662,8 مىڭ الۋشىعا 1 جاسقا دەيىنگى بالا كۇتىمىنە بايلانىستى تابىسىنان ايىرىلعان جاعدايدا ماسق-تان جالپى سوماسى 154,5 ملرد تەڭگەگە اي سايىنعى الەۋمەتتىك تولەمدەر جۇزەگە اسىرىلدى.

بۇل تولەمنىڭ مولشەرى سوڭ­عى 2 جىل ىشىندەگى ماسق-قا الەۋمەت­تىك اۋدارىمدار تولەنگەن ورتاشا ايلىق تابىستىڭ 40%-ىن قۇ­رايدى. زاڭنامادا تولەمنىڭ ەڭ تومەنگى مولشەرى – مىندەتتى زەينەتاقى جارنالارىنىڭ (بۇدان ءارى – مزج) سوماسىنا قوسىمشا اۋدارۋمەن 1 جاسقا دەيىنگى بالا كۇتىمى بويىنشا ۇقساس اي سا­يىن­عى مەملەكەتتىك الەۋ­مەت­تىك جاردەماقى دەڭگەيىندە بەلگى­لەن­گەن. تولەمنىڭ ەڭ جوعارى مولشەرى – ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن جالاقىنىڭ جەتى ەسەلەنگەن مولشەرىنىڭ 40%-ىنان اسپايدى, ياعني 2022 جىلى – 168 مىڭ تەڭگە.

«اسىراۋشىسىنان ايىرىلعان جاعدايدا» قوسپاعاندا, جوعارىدا كور­سەتىلگەن تاعايىندالعان الەۋ­مەتتىك تولەمدەردەن مزج ۇس­تا­لىپ, الۋشىنىڭ بىرىڭعاي جي­ناق­تاۋشى زەينەتاقى قورىنا اۋدا­رىلادى.

ماسق-تان الەۋمەتتىك تولەم­دەر­دى تاعايىنداۋ تاسىلدە­رىنىڭ ءبىرى – ازاماتتاردىڭ مەملەكەتتىك ورگاندار مەن ۇيىمدارعا ءوتى­نى­شىنسىز پرواكتيۆتى فورماتى. مۇنداي جاعدايلاردا ازامات­تار­دىڭ ۇيالى تەلەفونىنا تولەم­دەر­دى رەسىمدەۋگە قاتىستى sms-حابارلاما كەلەدى, وعان كەلىسىم بەرۋ قاجەت.

پرواكتيۆتى قىزمەت كورسەتى­لە­تىن قىزمەتتى الۋشىنىڭ ۇيالى باي­لانىسىنىڭ ابونەنتتىك قۇ­رىل­عىسىنىڭ تەلەفون ءنومىرى ەلەك­تروندىق ۇكىمەت پورتالىندا (egov.kz) تىركەلگەن, الەۋمەتتىك تاۋەكەلدىڭ تۋىنداعانى تۋرالى اقپاراتتىق جۇيەلەردەن مالىمەتتەر العان, سوڭعى 24 ايدا, ال جۇكتىلىگى مەن بوسانۋى بويىنشا سوڭعى 12 ايدا ماسق-قا كەلىپ تۇسكەن الەۋمەتتىك اۋدا­رىم­دار­دىڭ, سونداي-اق بانك شوتى­نىڭ ءنومىرى بولعان جاعدايدا كور­سە­تىلەدى.

سونداي-اق بالانىڭ تۋ تۋرا­لى كۋالىگىن العاننان كەيىن, ەلەك­ترون­دىق تسيفرلى قولتاڭبا بول­عان جاعدايدا 1 جاسقا دەيىنگى بالا كۇتىمى بويىنشا تولەمدى egov.kz ارقىلى رەسىمدەۋگە بولادى.

بۇل رەتتە تۇرعىلىقتى جەرى بويىنشا مەملەكەتتىك كورپوراتسيا ارقىلى ءوتىنىش بەرۋدىڭ ءداس­تۇرلى تاسىلدەرى قاعاز نىسا­نىندا قۇ­جاتتاردى بەرۋگە ىڭعاي­لى ادام­دار ءۇشىن دە قولدانىلادى.

ماسق-تان تولەنەتىن بار­لىق تولەم تۋرالى تولىق اقپا­رات­پەن www.gfss.kz ينتەرنەت-رەسۋرسىنان بىلۋگە بولادى.