كوروناۆيرۋستىڭ «وميكرون» شتامىن جەڭىل وتەدى دەگەن سەبەپپەن ەۋروپانىڭ بىرنەشە مەملەكەتى كارانتين شەكتەۋلەرىن جەڭىلدەتىپ, ءتىپتى, تۇبەگەيلى الىپ تاستاعاندار بار, دەپ جازادى Egemen.kz.
وسىعان بايلانىستى ددۇ ەسكەرتۋ جاسادى.
ء«بىز بارلىق مەملەكەتتى قولدا بار قۇرالداردى پايدالانا وتىرىپ, ءوز تۇرعىندارىن قورعاۋعا شاقىرامىز. بۇل – تەك ۆاكتسينا ەمەس. جەڭىس تۋرالى جار سالۋ ءالى كەز كەلگەن مەملەكەتكە ەرتە. بۇل ۆيرۋس قاۋىپتى, ول ءبىزدىڭ كوز الدىمىزدا دامىپ جاتىر», دەدى ددۇ باس حاتشىسى تەدروس ادانوم گەبرەيەسۋس.
اتاپ ايتقاندا, دانيا وسى ايدىڭ باسىندا بارلىق شەكتەۋلەردى الىپ تاستادى. نورۆەگيا دا وسى باعىتتا. وندا قاشىقتان جۇمىس ىستەۋدى جانە ادام كوپ جينالاتىن ورىنداردا شەكتەۋلەردى الىپ تاستاپ جاتىر. فرانتسيا دا ماتچتارعا, كونتسەرتتەرگە ءليميتتى الىپ تاستاۋدا. ەسكەرەتىنى, مۇنداي جەڭىلدەتۋلەر تەك ۆاكتسينا العان ازاماتتارعا قاتىستى.