ەلورداداعى تۇرعىن ۇيلەردىڭ بىرىندە ليفت باتىرماسىن اياقپەن تەۋىپ باسقان فەلدشەرگە 5 اەك كولەمىندە ايىپپۇل سالىندى, دەپ حابارلايدى Egemen.kz.
بۇل تۋرالى نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى ءمالىم ەتتى. «الەۋمەتتىك جەلىلەرگە مونيتورينگ جۇرگىزۋ بارىسىندا جەدەل جاردەم قىزمەتكەرىنىڭ كيىمىن كيگەن ادامنىڭ «اق ديدار» تۇرعىن ءۇي كەشەنىندە ليفت پانەلىن اياقپەن باسىپ, ليفت شاقىرعان ۆيدەوسى تابىلدى.
پوليتسەيلەر ۆيدەوداعى جىگىتتىڭ 24 جاستاعى فەلدشەر ەكەنىن انىقتادى. ونىڭ ۇستىنەن قر اكىمشىلىك قۇقىق بۇزۋ تۋرالى كودەكستىڭ 434-بابى (ۇساق بۇزاقىلىق) بويىنشا اكىمشىلىك ءىس قوزعالدى.
مامانداندىرىلعان اۋدانارالىق اكىمشىلىك سوتتىڭ شەشىمى بويىنشا ءتارتىپ بۇزۋشىعا 5 اەك كولەمىندە ايىپپۇل سالىندى», دەپ جازىلعان مالىمەتتە.
نۇر-سۇلتان قالاسىنىڭ پوليتسيا دەپارتامەنتى تۇرعىن ءۇي-جايلاردى ءبۇلدىرۋ جانە اينالاداعىلارعا قۇرمەت بىلدىرمەۋ, قوعامدىق ءتارتىپتى بۇزاتىن باسقا دا ارەكەتتەر جاۋاپكەرشىلىك ارقالاتاتىنىن ەسكەرتىپ وتىر.