اقش پرەزيدەنتى دجو بايدەن «تاليبان» (قازاقستاندا قوزعالىسقا تىيىم سالىنعان) ۇكىمەتىن مويىنداۋدىڭ شارتىن اتادى. شارتتىڭ مازمۇنى اق ءۇيدىڭ رەسمي سايتىندا جاريالاندى, دەپ جازادى Egemen.kz.
دجو بايدەن «تاليباننان» 2020 جىلى اۋعانستاندا تۇتقىنعا الىنعان اقش اسكەري-تەڭىز كۇشتەرىنىڭ ارداگەرى مارك فرەريحستى بوساتۋدى تالاپ ەتتى. وسىدان كەيىن عانا «تاليبان» بيلىگىن زاڭداستىرۋ تۋرالى تالقىلاۋ باستالۋى مۇمكىن ەكەنىن ايتتى.
«تاليبان» ۇكىمەتى ءوزىن مويىنداتىپ, زاڭداستىرۋ ءۇشىن ماركتى دەرەۋ بوساتۋى كەرەك. ونى بوساتپاسا كەلىسسوز جۇرگىزىلمەيدى», دەدى اقش پرەزيدەنتى.
فرەريحس 2020 جىلدىڭ اقپان ايىنىڭ باسىندا كابۋلدا جوعالىپ كەتكەن. ول اۋعانستاندا ينجەنەر-قۇرىلىسشى بولىپ ون جىل قىزمەت اتقارعان.