بۇگىن بەيجىڭدە قازاقستاندىق كونكيشىلەر وليمپيادا ويىندارى الدىنداعى جاتتىعۋلارىن باستادى, دەپ حابارلايدى Egemen.kz.
قازاقستان ۇلتتىق وليمپيدالىق كوميتەتى ءمالىم ەتكەندەي, سپورتشىلار وليمپيادادا جارىستار وتەتىن ۇلتتىق كونكي تەبۋ ستاديونىندا جاتتىعىپ جاتىر.
وليمپيادادا كونكيمەن جۇگىرۋدەن قازاقستان نامىسىن نادەجدا موروزوۆا, ەكاتەرينا ايدوۆا, دميتري موروزوۆ, يۆان ارجانيكوۆ جانە دەنيس كۋزين قورعايدى. ەرلەر اراسىندا دەنيس كۋزين مەن يۆان ارجانيكوۆ ەكەۋى دە 1000 مەترگە جارىسۋدان سىنعا تۇسەدى.
سونداي-اق ارجانيكوۆ 500 مەترگە, دميتري موروزوۆ 1500 مەترى مەن ماسس-ستارتتان ءوز باقتارىن سىناپ كورەدى.
ايەلدەر اراسىنداعى باسەكەدە نادەجدا موروزوۆا 1000, 1500, 3000 مەترگە جۇگىرۋمەن ماسس-ستارتتان ەل نامىسىن قورعاسا, ەكاتەرينا ايدوۆا 500, 1000 جانە 1500 مەتردە جۇگىرۋدەن سىنعا تۇسەدى.