شىمكەنتتىك پوليتسەيلەر تۇرعىنداردى الداپ, الاياقتىق جاساعان كۇدىكتىلەردى ۇستادى, دەپ حابارلايدى Egemen.kz.
بەلگىلى بولعانداي وتكەن جىلدىڭ كۇزىندە قالاداعى دۇكەندەردىڭ بىرىندە ءۇش ايەل قالا تۇرعىنىنا جاقىنداپ, تەز بايۋدىڭ قىزىقتى سحەماسىن ۇسىنعان.
ولار تۇرعىندى ءبىر ميلليون تەڭگە كولەمىندە نەسيە الۋعا كوندىرگەن: 300 مىڭ تەڭگەنى وزىڭە الىپ, 700 مىڭ تەڭگەنى بىزگە بەرسەڭ, نەسيەنى تولىقتاي ءوزىمىز جابامىز دەپ سەندىرگەن. بىراق نەسيە تولەيتىن ۋاقىت جاقىنداعاندا ايەلدەر ءىز-ءتۇسسىز جوعالىپ كەتكەن. سودان كەيىن جابىرلەنۋشى پوليتسياعا جۇگىنگەن.
پوليتسيا قىزمەتكەرلەرى كۋاگەرلەرمەن سۇحباتتاسىپ, الاياقتار ءجۇرۋى مۇمكىن جەرلەردەگى بەينەكامەرالاردىڭ جازبالارىن كوردى. كوپ ۇزاماي جەدەل ۋاكىلدەر ولاردىڭ ىزىنە ءتۇسىپ, ايەلدەردىڭ جەكە باسىن انىقتاپ, ولاردى قاماۋعا الدى. ۇشەۋى دە تۇركىستان وبلىسىنىڭ تۋمالارى بولىپ شىقتى.
تەرگەۋ بارىسىندا ءبىر سحەما بويىنشا الاياقتاردىڭ 500-گە جۋىق ادامدى الداعانى بەلگىلى بولدى. كەلتىرىلگەن جالپى شىعىن شامامەن 400 ميلليون تەڭگەنى قۇرادى.
«پوليتسيا قىزمەتكەرلەرى جۇرگىزگەن جەدەل-ىزدەستىرۋ ءىس-شاراسى ناتيجەسىندە وسى قىلمىسقا قاتىستى ءۇش ازاماتشا انىقتالدى. ولاردىڭ الاياقتىق, ياعني بوتەننىڭ مۇلكىن الداۋ نەمەسە سەنىمدى تەرىس پايدالانۋ ارقىلى ادامدار توبىنىڭ الدىن الا ءسوز بايلاسۋىمەن بىرنەشە رەت قىلمىس جاساعانى انىقتالدى. اتالعان تۇلعالار كۇدىكتى دەپ تانىلىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە», دەدى شىمكەنت قالاسى پد ءال-فارابي اۋدانى اپب تەرگەۋشىسى سپانديار زاينيدين.
قازىر سوتقا دەيىنگى تەرگەۋ امالدارى جۇرگىزىلۋدە.