قازاقستاننىڭ انتيتەرروريستىك ورتالىعىنىڭ مالىمەتىنشە, قىزىلوردادا جاپپاي تارتىپسىزدىكتەر مەن كۇشتىك قۇرىلىمدار قىزمەتكەرلەرىنە شابۋىل جاسادى دەگەن كۇدىكپەن ەكى ەر ادام ۇستالدى, دەپ حابارلايدى Egemen.kz Tengrinews.kz-كە سىلتەمە جاساپ.
ۆەدومستۆونىڭ مالىمەتىنشە, ۇستالعانداردىڭ ەكەۋى دە 1982 جىلى جانە 1989 جىلى تۋعان قازاقستان ازاماتتارى ەكەن.
«ولاردىڭ تارتىپسىزدىكتەر مەن قر ۇلتتىق ۇلانىنىڭ اسكەري قىزمەتشىلەرىنە شابۋىل جاساۋعا قاتىستىلىعى انىقتالدى. ءتىنتۋ كەزىندە ولاردان كالاشنيكوۆ – اك-74م اۆتوماتى, 10 پاترون جانە وزگە دالەلدى زاتتار الىندى», دەلىنگەن حابارلامادا.
ۇستالعاندارعا قاتىستى سوتقا دەيىنگى تەرگەۋ امالدارى باستالدى. جينالعان ماتەريالدار مەن زاتتاي دالەلدەمەلەر قىلمىستىق ىسكە قوسىلدى.