اقتوبەدە ادام ءولتىردى دەگەن كۇدىكپەن ۇستالعان ەر ادام قاشىپ كەتتى. بۇل تۋرالى اقتوبە وبلىسى ءىىد-ءنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
كۇدىكتى 23 قاڭتار كۇنى تەرگەۋ يزولياتورىنان مەديتسينالىق كومەك كورسەتۋ ءۇشىن اقتوبە قالالىق جەدەل جاردەم اۋرۋحاناسىنىڭ حيرۋرگيا بولىمىنە ەمدەلۋگە جەتكىزىلگەن. جەدەل جاردەم اۋرۋحاناسىنان ءدارى تامىزعىشتىڭ قۇتتىسىن ۇستاپ قاشقان.
قازىرگى ۋاقىتتا ارنايى توپ قۇرىلىپ, كۇدىكتىنى ىزدەستىرۋ جانە ۇستاۋ بويىنشا جەدەل-ىزدەستىرۋ شارالارى جۇرگىزىلىپ جاتىر.
«اتالعان فاكت بويىنشا اقتوبە وبلىسىنىڭ پوليتسيا دەپارتامەنتى سوتقا دەيىنگى تەرگەۋ امالدارىن باستادى (قر قىلمىستىق كودەكسىنىڭ 426-بابى «باس بوستاندىعىنان ايىرۋ ورىندارىنان, قاماقتان نەمەسە كۇزەتتەن قاشۋ». وقيعانىڭ ءمان-جايىن انىقتاۋ بويىنشا جۇمىستاردى قىلمىستىق-اتقارۋ جۇيەسى كوميتەتى قازاقستان رەسپۋبليكاسى ىشكى ىستەر مينيسترلىگى ىشكى اۋديت جۇرگىزىپ جاتىر. تەكسەرۋ ناتيجەلەرى بويىنشا قولدانىستاعى زاڭناماعا سايكەس شارالار قولدانىلادى», دەپ حابارلايدى اقتوبە وبلىسىنىڭ ىشكى ىستەر دەپارتامەنتى.
«موي گورود» پورتالى الەۋمەتتىك جەلىلەردە ىزدەۋ جاريالانعان حابارلامانى جاريالادى. وندا 1973 جىلى تۋعان ايتقاليەۆ مۇرات جۇماعالي ۇلىنىڭ اسا اۋىر قىلمىس جاسادى دەگەن كۇدىككە ىلىنگەنى, سىرت كيىمسىز جۇرگەنى ايتىلعان.