اۋرۋشاڭدىق ءبىر ايدا 6 ەسە ارتتى

ەپيدەميالىق جاعداي­دى با­عالاۋ ماتريتساسى بويىن­شا باتىس قازاقستان وبلىسى 14 قاڭتاردان باستاپ «قىزىل ايماقتا». جىل باسىنان بەرى وبلىستا COVID-19-بەن اۋىر­عان 2 315 ادام انىقتالدى. اۋىر­عانداردىڭ كوبى, ياعني 1 509 جاع­داي ورال قالاسىندا بولعان. ءبورلى اۋدانىندا – 253 جاعداي, بايتەرەك اۋدانىندا – 241, تەرەكتى اۋدانىندا 59 جاعداي تىركەلدى. كوروناۆيرۋس ينفەكتسياسى كوبىنە 41-60 جاس ارالىعىنداعى ناۋقاستار اراسىندا بايقالدى. الايدا اۋىرعان­داردىڭ 118-ءى – 14 جاسقا دەيىنگى جاسوسپىرىمدەر.

وتكەن اپتادا الدىڭعى اپتا­مەن سالىستىرعاندا اۋرۋشاڭدىق­تىڭ 84,1%-عا, 312-دەن 1 964-كە وس­كەنى بايقالادى. قاڭتاردىڭ 19-ىن­دا باتىس قازاقستان وبلى­سىندا كوروناۆيرۋس ينفەكتسيا­­سىن جۇقتىر­عان 376 جاعداي تىركەلدى.

باتىس قازاقستان وبلىسىن­دا ۆاك­تسينالاۋدىڭ ءبىرىنشى كومپونەنتىن 261 869 ادام (63,1%), ەكىنشى كومپو­نەن­تىن 246 825 ادام (59,5%) سالدىردى.

سونداي-اق وبلىستا رەۆاكتسينالاۋ بويىنشا جۇمىس قارقىندى جۇرۋدە. بۇگىندە 31 335 ادام قايتا ۆاكتسينالاۋدان ءوتتى. ال 12-17 جاس ارالىعىنداعى جاسوسپىرىمدەر, جۇكتى جانە بالا ەمىزەتىن ايەلدەر ساناتىنان 7 360 ادام كوميرناتي (Pfizer) ۆاكتسيناسىنىڭ ءبىرىنشى كومپونەنتىن, 4 487 ادام ەكىنشى كومپونەنتىن الدى.

باتىس قازاقستان وبلىسى