الماتى قالاسىنىڭ المالى اۋداندىق پوليتسيا قىزمەتكەرلەرى كيىم دۇكەنىن توناعانداردى ۇستادى, دەپ حابارلايدى Egemen.kz.
ەلىمىزدىڭ ءار قيىرىندا دۇنيەگە كەلگەن 39, 37 جانە 33 جاستاعى الماتىنىڭ ءۇش تۇرعىنى جاپپاي تارتىپسىزدىكتى پايدالانىپ, گاگارين كوشەسىندە ورنالاسقان كيىم-كەشەك دۇكەنىن توناعان.
سونىمەن قاتار ولاردىڭ باسقا زاڭسىز ارەكەتتەرگە قاتىسى بار ەكەنى دە انىقتالدى. المالى اۋداندىق پوليتسيا باسقارماسىنىڭ حابارلاۋىنشا, كۇدىكتىلەر جالدامالى پاتەردە ۇستالعان. ەر ادامدار ۇرلانعان كيىمدەردى مولشەرى مەن ماۋسىمىنا قاراي سۇرىپتاپ تا تاستاعان.