«قىزىل ايماققا» قايتا ەندى

جاڭا جىلدىڭ 13 كۇنىندە وڭىردە 537 ادامعا COVID-19 دياگ­نوزى قويىلعان. ال جالپى ەپيدەميا باستالعالى وبلىستا 40 607 ادام COVID-19 جۇقتىرىپ, 15 282 ادام ينفەكتسيالىق ستاتسيو­نارلاردا ەم العان. 857 ادام وسى دەرتتەن كوز جۇمدى.

«باتىس قازاقستان وبلىسىندا 13 قاڭتار كۇنى عانا 186 ادامنىڭ اۋىرعانى تىركەلدى. جاڭا جىلدان بەرى وبلىستا 18 وقۋشى, 14 مۇعالىم, 3 بالاباقشا قىزمەتكەرى, 4 ستۋدەنت وسىنداي دياگنوزبەن تىركەلدى», دەدى وبلىستىق دەنساۋلىق ساقتاۋ باسقارماسى مەديتسينالىق كو­مەكتى ۇيىمداستىرۋ ءبولىمىنىڭ باسشىسى ايگۇل قۇلباراقوۆا.

ناۋقاستاردىڭ كوبى, ياعني 360-ى ورال قالاسىندا تۇرادى. بايتەرەك اۋدانىندا – 64, ءبورلى اۋدانىندا – 59, تەرەكتى اۋدانىندا – 17, جاڭاقالا اۋدانىندا 14 جاعداي تىركەلگەن.

سوڭعى اپتادا وتكەن اپتامەن سالىستىرعاندا اۋرۋشاڭدىق دەڭگەيى 85,9%-عا (65-تەن 464-كە) وسكەن.

«كوروناۆيرۋس ينفەكتسيا­سى وبلىستا دا, ەلى­مىزدە دە ءورشىپ, احۋال ناشارلاپ بارادى. سون­داي-اق جا­ڭا «وميكرون» شتامىن جۇقتىرۋ قاۋپى بار. جاڭا شتامنىڭ ەرەك­شەلىگى سول, جۇقتىرۋ قاۋپى جوعارى ءارى ۆيرۋستى قايتا جۇقتىرۋ ىقتي­مالدىلىعى دا وتە ۇلكەن. ۆيرۋس ءبىرىنشى تۇسەتىن جوعارى تىنىس جولدارىندا «وميكرون» «دەل­تا» شتامىنا قارا­عان­دا 70 ەسە تەز كوبەيەدى», دەي­دى وبلىس­تىق سا­ني­تاريالىق-ەپي­دەميو­لو­گيا­لىق باقىلاۋ دە­پارتامەنتى باسشىسىنىڭ ورىنباسارى نۇر­لىبەك مۇستاەۆ.

مامانداردىڭ ايتۋىنشا, ازىرگە ناۋقاستاردى ەمدەيتىن ستاتسيوناردان دا, مەديكامەنتتەن دە تاپشىلىق جوق. اۋرۋحانالاردا ارنايى دايىندالعان توسەكتىڭ 78 پايىزى بوس تۇر.

2021 جىلدىڭ 1 اقپانىندا ۆاك­تسينالاۋ جۇمىسى باستال­عالى وڭىردە ەكپەنىڭ ءبىرىنشى كومپونەنتىمەن – 258 101 (39%) ادام, ەكىنشى كومپونەنتىمەن – 244 900 ادام (37%) ەگىلگەن. سونداي-اق وبلىستا 22 902 ادام (9,3%) رەۆاكتسينالاۋ­دان وتكەن. ەكپە العىسى كەلە­تىن تۇر­عىندارعا بىرنەشە تاڭ­داۋ بار. سونىڭ ىشىندە «سپۋت­نيك Lite» ۆاكتسيناسىنا قاتىس­تى پارتيانىڭ ءبىر بولىگى قازاق­ستانعا كەلىپ جەتكەن. جاقىن كۇندەرى وبلىسقا دا جەتكىزىلىپ, ءتيىستى قاۋلى شىققان سوڭ قول­دانىلادى.

ۆەدومستۆوارالىق كوميس­سيا­نىڭ شەشىمىنە وراي, ەپي­دە­ميالىق احۋال جاق­سارعانعا دەيىن وبلىس اۋما­عىندا قوعام­دىق ورىنداردا, كوشەدە جانە وتباسىندا دا بارلىق كوپشىلىك شارالاردى وتكىزۋگە تىيىم سالىندى. بۇل جەردە مارقۇمدى سوڭعى ساپارعا شىعارىپ سالۋ ءۇشىن عانا 30 ادامعا دەيىن جينالۋعا رۇقسات بەرىلەدى. ال تەاتر, فيلارمونيا, تسيرك, كونتسەرت زالدارىندا كوپ­شىلىك شارالار ۋاقىتشا توق­تايدى, ءدىني قۇلشىلىقتار وت­پەيدى. تۇنگى كلۋبتار, كاراوكە بارلار توقتايدى. جەكە كەزدەسۋلەردە 10 ادامنان ارتىق جينالۋعا بولمايدى جانە بۇل ادامدار ەكپە العان بولۋى ءتيىس. قوعامدىق تاماقتانۋ ورىندارىندا ءبىر ۇستەلدە 4 ادامنان ارتىق وتىرۋعا تىيىم سالىنادى. Ashyq جوباسىنا قاتىساتىن كينوتەاترلار زالدىڭ 30 پايىزىنا عانا بيلەت ساتادى. كوم­­مۋ­نالدىق شارۋاشىلىق كاسىپورىندارىنان بولەك مەم­­لە­كەتتىك مەكەمەلەر 70 پايىز­عا دەيىن قىزمەتكەرلەرىن قاشىقتان جۇمىس رەجىمىنە اۋىستىرۋى ءتيىس.

جاقىن كۇندەرى ورتا ءبىلىم سالاسىندا قىسقى كانيكۋل اياق­­ت­ال­ماق. ن.مۇستاەۆتىڭ اي­تۋىنشا, «قىزىل ايماق» مارتەبەسى كەزىندە وڭىردەگى وقۋ­شى سانى 600-گە جەتپەيتىن اۋىل مەكتەپتەرىندە وقۋ ءۇردىسى ادەتتەگىدەي جۇرەدى. ال شاكىرت سانى 600-دەن اساتىن ءىرى مەكتەپتەر ونلاين وقۋ فورماتىنا كوشەدى. كوللەدجدەر مەن جوعارى وقۋ ورىندارى ستۋدەنتتەرى جاعدايعا قاراي ارالاس فورماتتا ءبىلىم الادى.

باتىس قازاقستان وبلىسى