الماتىنىڭ ورتالىعىندا قارۋلانعان ەكى ەر ادام ۇستالدى, دەپ حابارلايدى Egemen.kz.
الماتى قالالىق پوليتسيا دەپارتامەنتىنىڭ مالىمەتىنشە, ءتارتىپ ساقشىلارى قارۋلى 38 جانە 35 جاستاعى ەر ادامدى ۇستاعان. ولاردىڭ قارۋ-جاراق دۇكەندەرىن توناۋعا قاتىسقانى بەلگىلى بولدى.
«كۇدىكتىلەردى كريمينالدىق پوليتسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا رايىمبەك داڭعىلى مەن بايزاقوۆ كوشەسىنىڭ قيىلىسىندا ۇستادى. ولاردان قارۋ-جاراق دۇكەنىنەن تارتىپسىزدىك كەزىندە ۇرلانعان «SM12 steyr mannlicher austria» ماركالى ەكى اڭشى مىلتىعىن تاركىلەدى. بەلگىلى بولعانداي, 38 جاستاعى م.ەسىمدى ازامات جانە 35 جاستاعى ر.ەسىمدى ازامات الماتى وبلىسىنان كەلگەن», دەپ حابارلادى پوليتسيادان.
قارۋ مەن وق-دارىلەردى ۇرلاۋ فاكتىسى بويىنشا قر قك-ءنىڭ 291-بابى 3-بولىگىنە سايكەس قىلمىستىق ءىس تەرگەلۋدە. قارۋ تاركىلەندى.
كۇدىكتىلەر قاماۋعا الىندى.