وبلىستىق ىشكى ىستەر دەپارتامەنتى ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى «اقتوبە – استراحان» تاس جولىنىڭ بويىندا مەملەكەتتىك تىركەۋ ءنومىرى جوق تىركەمەلى «كاماز» اۆتوتسيستەرناسىن توقتاتتى. سويتسە, ەمبى قالاسىنىڭ 38 جاستاعى تۇرعىنى ەشقانداي قۇجاتسىز مۇناي تاسىمالداپ كەلە جاتىر ەكەن. سول كەزدە ۇستالاتىنىن بىلگەن ول لەزدە ءىز جاسىرىپ ۇلگەردى. بۇدان كەيىن وعان قاتىستى الدىن الۋ شاراسى رەتىندە تۇتقىنداۋ امالى قاراستىرىلدى.
بۇل دەرەك بويىنشا قىلمىستىق ءىس قوزعالدى. كوپ ۇزاماي الگى كۇدىكتى قولعا ءتۇستى. ۇستالعان كۇدىكتىنىڭ مۇنايدى زاڭسىز تاسىمالداعانى ءۇشىن قىلمىس جاساۋ قۇرالى بولىپ تابىلاتىن مۇلكى تاركىلەنىپ, ەكى جىلدان ءۇش جىلعا دەيىن باس بوستاندىعىنان ايىرىلۋى مۇمكىن.
اقتوبە وبلىسى.