بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ۇستىنەن قوزعالعان قىلمىستىق ءىس سوتقا ءتۇستى, دەپ حابارلايدى Egemen.kz.
بۇل تۋرالى نۇر-سۇلتان قالالىق سوتىنىڭ ءباسپاسوز قىزمەتى ءمالىم ەتتى.
«قىلمىستىق ءىس سوتقا ءتۇستى. بۇگىنگى تاڭدا ءىس سوت وندىرىسىنە قابىلدانعان جوق. قىلمىستىق ءىس جۇرگىزۋ كودەكسىنىڭ نورمالارىنا سايكەس, سۋديا كەلىپ تۇسكەن ءىس بويىنشا 5 تاۋلىك ىشىندە جالپى نەمەسە قىسقارتىلعان تارتىپپەن باستى سوت تالقىلاۋىن تاعايىنداۋ نە ءىستى الدىن الا تىڭداۋدى وتكىزۋ تۋرالى شەشىم قابىلدايدى. ول تۋرالى قوسىمشا حابارلايمىز», دەپ جازىلعان رەسمي مالىمەتتە.