الماتى اكىمى باقىتجان ساعىنتاەۆ تارتىپسىزدىك كەزىندە كوز جۇمعان 4 جاسار بالانىڭ وتباسىنا كوڭىل ايتتى, دەپ حابارلايدى Egemen.kz.
بۇل تۋرالى قالا اكىمدىگىنىڭ ءباسپاسوز قىزمەتى ءمالىم ەتتى.
قارا جامىلعان كوپبالالى وتباسىعا بارعان الماتى اكىمى قىزدىڭ اتا-اناسىنا توزىمدىلىك پەن شىدامدىلىق تىلەدى.
ايتا كەتەرى, الماتىدا تارتىپسىزدىك كەزىندە 4 جاسار قىز كوز جۇمدى, ال ونىڭ 15 جاستاعى اپكەسى جانساقتاۋ بولىمىندە جاتىر.
اكىم ءجاسوسپىرىمنىڭ تەز ساۋىعىپ كەتۋىن تىلەپ, وتباسىعا ماتەريالدىق كومەك كورسەتىلەتىنىن, سونداي-اق 3 بولمەلى پاتەر بەرىلەتىنىن ايتتى.
قايعىلى وقيعا 7 قاڭتاردا سەيفۋللين مەن ساتباەۆ كوشەلەرىنىڭ قيىلىسىندا ورىن العان. قىز بەن ونىڭ 15 جاستاعى اپكەسى وق اتىلعان كولىكتە بولعان. كىشىسى وقيعا ورنىندا كوز جۇمدى, ۇلكەنى اۋرۋحاناعا ءتۇستى.